BAQ.kz - Қазақстан жаңалықтары USD 369.01 BAQ.kz - Қазақстан жаңалықтары EUR 416.39 BAQ.kz - Қазақстан жаңалықтары RUB 5.53
استانا:

ىشكى ىستەر مينيسترلىگىنىڭ لاۋازىمدى تۇلعاسى پارا الدى دەگەن كۇدىكپەن قاماۋعا الىندى

قازاقستاننىڭ سىبايلاس جەمقورلىققا قارسى قىزمەتى ىشكى ىستەر مينيسترلىگىنىڭ (ٴىىم) كولىكتەگى ىشكى ىستەر دەپارتامەنتى ۇيىمداسقان قىلمىسپەن كۇرەس باسقارماسىنىڭ جەتەكشىسى پارا الدى دەگەن كۇدىكپەن ۇستالعانىن مالىمدەدى، دەپ حابارلايدى baq.kz اقپارات اگەنتتىگى.

سىبايلاس جەمقورلىققا قارسى ٴىس-قيمىل جانە مەملەكەتىك قىزمەت ىستەرى جونىندەگى اگەنتتىك وكىلى جاننا باستاروۆانىڭ ايتۋىنشا، كۇدىكتىنى سىبايلاس جەمقورلىققا قارسى ٴىس-قيمىل ۇلتتىق بيۋروسىنىڭ قىزمەتكەرلەرى 12 قىركۇيەكتە ۇستاعان.

سىبايلاس جەمقورلىققا قارسى قىزمەتتىڭ facebook-تەگى پاراقشاسىندا جاريالانعان ۆيدەوسىندا باسقارما باسشىسىنىڭ "لاۋازىمدى ادامدى قىلمىستىق جاۋاپقا تارتپاعانى جانە قامقورلىق تانىتقانى ٴۇشىن الدىن الا كەلىسىلگەن 50 مىڭ دوللاردىڭ 11،5 ميلليون تەڭگەسىن الىپ تۇرعان ساتىندە" قولعا تۇسكەنى ايتىلادى.

اگەنتتىك كۇدىكتىنىڭ ٴاتى-جونىن جاريالاماي وتىر. ۆەدومستۆو ۇستالعان كۇدىكتىنىڭ لاۋازىمدىق مىندەتى "رەسپۋبليكاداعى كولىكتەگى ۇيىمداسقان قىلمىستى انىقتاپ، الدىن الۋ" بولعانىن عانا ايتادى.

"تۇتقىنداۋ كەزىندە كۇدىكتى قارسىلىق تانىتىپ، ۇلتتىق بيۋرو دەپارتامەنتى قىزمەتكەرىنىڭ كولىگىن زاقىمداپ، قاشىپ كەتۋگە ارەكەت جاسادى" دەدى باستاروۆا.

كۇدىكتى استاناداعى ىشكى ىستەر دەپارتامەنتىنىڭ ۋاقىتشا ۇستاۋ اباقتىسىنا قامالعان.

كولىكتەگى ىشكى ىستەر دەپارتامەنتىنىڭ ٴباسپاسوز قىزمەتى ۇستالعان شەنەۋنىكتىڭ ٴاتى-جونىن ايتۋدان باس تارتىپ، تەرگەۋ اياقتالعانعا دەيىن كوممەنتاريي بەرە المايتىنىن ايتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي