BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

ەسىكتە قازا تاپقان پوليسەيدىڭ تۋىستارى: ول وق ٴتيىپ ولگەن جوق

ەسىك قالاسىندا وق ٴتيىپ قايتىس بولدى دەلىنگەن پوليسيا مايورىنىڭ تۋىسقاندارى مارقۇمنىڭ شىن مانىندە قانعا جۇققان زياندى نارسەدەن قايتىس بولعانىن ايتتى، دەپ حابارلايدى baq.kz اقپارات اگەنتتىگى كتك ارناسىنا سىلتەمە جاساپ.

مارقۇمنىڭ اناسى عاليا بايدەلدينوۆانىڭ ايتۋىنشا، ۇلىنىڭ جاعدايى اۋرۋحاناعا تۇسكەن ساتتەن باستاپ ساناعاندا ٴۇشىنشى كۇنى ناشارلاي باستاعان.

«وپەراسيا جاساۋدى باستاپ، دەنەسىندە شىرىك بارىن كورگەن. تەك بەتىن جۋىپ، تەرەڭىنەن ٴشىرىپ جاتقانىن بايقاماعان. ول جاقسىلاپ تاماق ٴىشىپ، بىزبەن سويلەسكەن بولاتىن»، - دەيدى ايەل.

پوليسيا مايورىنىڭ جارى گۇلميرا رىسبەكوۆانىڭ ايتۋىنشا، ٴمايىتتى سويعاننان كەيىن ونىڭ وق سالدارىنان ەمەس، زياندى نارسەنىڭ قانعا جايىلۋىنان قايتىس بولعانى انىقتالعان. ياعني دارىگەرلەر پوليسەيدىڭ ارقاسىنداعى پىشاق جاراقاتىنىڭ ٴشىرىپ جاتقانىن كورمەگەن.

«بۇل - دارىگەرلەردىڭ ناۋقاستارعا بەي-جاي قاراۋىنىڭ سالدارى. ٴبىزدىڭ مەديسينا ادامداردى اۋرۋ قىلماي، كەرىسىنشە ەمدەۋى ٴتيىس. ول اۋىر قىلمىستاردى تەرگەۋمەن اينالىستى. قىلمىسكەرلەردى ۇستايمىن دەپ ٴجۇرىپ وسىلاردىڭ قولىنان قازا تاۋىپ وتىر»، - دەيدى ول.

ەستەرىڭىزگە سالا كەتسەك، ەسىك قالاسىندا اتىس بولىپ، سالدارىنان ەكى ادامنىڭ قايتىس بولعانى تۋرالى حابارلاعان ەدىك.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي