BAQ.kz - Қазақстан жаңалықтары USD 374.47 BAQ.kz - Қазақстан жаңалықтары EUR 421.43 BAQ.kz - Қазақстан жаңалықтары RUB 5.54
استانا:

ەسىكتە قازا تاپقان پوليسەي ىسىندە جاڭا دەرەكتەر پايدا بولدى

الماتى وبلىسى ەسىك قالاسىندا پوليسيا مايورى مەن ونىڭ دوسىنىڭ قايتىس بولۋىنا قاتىستى ىستە جاڭا دەرەكتەر پايدا بولدى، دەپ حابارلايدى baq.kz اقپارات اگەنتتىگى كتك ارناسىنا سىلتەمە جاساپ.

مامىردىڭ 7-سىنەن 8-نە قاراعان ٴتۇنى ەسىك قالاسىندا بولعان قاندى وقيعا تۋرالى تۇرعىندار ٴالى كۇنگە دەيىن ايتىپ ٴجۇر. ەر ادام تاعى ٴتورت تانىسىمەن بىرگە ٴدامحانادا وتىرعان. كەيىن كيكىلجىڭدەرى توبەلەسكە ۇلاسادى. مارقۇم پوليسەي دوستارىنىڭ ايتۋىنشا، ولارعا تاعى ٴۇش ادام كەلىپ قوسىلعان سوڭ پىشاق پەن قارۋ قولدانا باستاعان.

«ۆيدەونى كورگەندەر ولجاستىڭ وق اتقانىن ايتتى. ول ٴۇش ادامدى جاراقاتتاماق بولعان. قۋانىش پەن قاھارماننىڭ اياعىنا، ال ەرجاننىڭ ارقاسىنا وق اتقان. سوڭعىسى وقيعا ورنىندا قازا تاپتى»، - دەيدى زارينا نۋرساحانوۆا.

وق اتتى دەلىنگەن كۇدىكتى سول جەردە ۇستالدى. ول ىلە-الاتاۋ ۇلتتىق ساياباعىندا وپەراتيۆتىك توپتىڭ ينسپەكتورى بولىپ جۇمىس ىستەگەن. دالىرەك ايتساق، تۇرگەن وكرۋگىندا براكونەرلەردى ۇستاۋمەن اينالىسقان. الايدا ەر ادامنىڭ تۋىستارى ونىڭ بۇل ىسكە قاتىسى بارىنا سەنبەيدى. ولاردىڭ ايتۋىنشا، ونىڭ زاڭ بۇزعان كەزى بولماعان.

ۇستالعان كۇدىكتىنىڭ ارىپتەستەرى دە ونى جاقتاپ وتىر. ٴتورت جىل ىشىندە تەرىس قىلىعىن كورمەگەن ەكەن. قاندى وقيعا بولعان كۇنى كۇدىكتى جۇمىستا بولعان. باسقا ينسپەكتورلارمەن بىرگە شاتقالدى ارالاپ جۇرگەن. تەرگەۋ مالىمەتتەرى بويىنشا، كەشكى ۋاقىتتا دوستارىمەن كەزدەسۋگە بارىپ، وزىمەن بىرگە مىلتىق الا شىققان.

«ول جاقسى وتاعاسى. ەكى بالاسى بار. ومىردە ٴارتۇرلى جاعداي بولادى عوي. ٴبىراق بۇل جولى ونىڭ مۇنداي قىلمىسقا بارعانىنا سەنە المايمىن»، - دەيدى ٴيمانالى سارسەنبايەۆ اتىنداعى ىلە-الاتاۋ ۇلتتىق ساياباعى فيليالىنىڭ ديرەكتورى.

مۇنىمەن قاتار، مايور مەن ونىڭ دوسىنىڭ ولىمىنە قاتىسى بار دەلىنگەن تاعى ٴبىر كۇدىكتى بار ەكەنى انىقتالدى. ول – 30 جاستاعى ەسىك قالاسىنىڭ تۇرعىنى. ٴقازىر ونىڭ قايدا ەكەنىن تۋىسقاندارى دا بىلمەيدى. ٴبىراق ولار تۇرعىننىڭ بۇل قىلمىسقا قاتىسى بارىن جوققا شىعارىپ وتىر.

«بالكىم ونىڭ بۇل ىسكە مۇلدەم قاتىسى جوق شىعار. ٴوزىمىز دە نە ويلارىمىزدى بىلمەي وتىرمىز. ٴامىر ول وتىرىستا بولماعان بولۋى دا مۇمكىن. بار بولعانى ولار جاقىن ارالاسقاندىقتان ىزدەستىرىپ جاتىر دەگەن ويدامىز»، - دەيدى كۇدىكتىنىڭ تۋىسقانى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي