BAQ.kz - Қазақстан жаңалықтары USD 372.49 BAQ.kz - Қазақстан жаңалықтары EUR 424.15 BAQ.kz - Қазақстан жаңалықтары RUB 5.54
استانا:

ەلىمىزدەن 300-گە جۋىق شەتەلدىك الاستاتىلدى

فوتو: ҚР ІІМ

ەلىمىز بويىنشا جۇرگىزىلگەن «ۋچاسكە» جەدەل-پروفيلاكتيكالىق ٴىس-شاراسى اياسىندا سوت شەشىمى بويىنشا 300-گە جۋىق شەتەلدىك ەلدەرىنە قايتارىلدى، دەپ حابارلايدى baq.kz اقپارات اگەنتتىگى.

قر ٴىىم ٴباسپاسوز قىزمەتىنەن حابارلانعانداي، ۋچاسكەلىك پوليسيا ينسپەكتورلارىنىڭ حالىقپەن جۇمىسىن جاقسارتۋ ماقساتىندا 5 قىركۇيەكتەن باستاپ ەلىمىزدىڭ اۋماعىندا «ۋچاسكە» جەدەل-پروفيلاكتيكالىق ٴىس-شاراسى وتكىزىلۋدە.

«ۋچاسكە» وپەراسياسى بارىسىندا 1 ميلليوننان استام تۇرعىن ٴۇي مەن ساياجاي تەكسەرىلدى. اتالعان شارا بارىسىندا 89 مىڭنان استام اكىمشىلىك قۇقىق بۇزۋشىلىق انىقتالدى. ونىڭ ىشىندە 8 مىڭنان استامى تىركەۋسىز تۇرۋ فاكتىسى، 9،7 مىڭنان استامى شەتەل ازاماتتارىنىڭ كوشى-قون زاڭناماسىن بۇزۋ. بۇگىندە كوشى قون زاڭناماسىن بۇزعان ٴۇش جۇزگە جۋىق شەتەلدىك سوت شەشىمى بويىنشا ەلدەن شىعارىلدى»، - دەلىنگەنت ۆەدومستۆونىڭ حابارلاماسىندا.

جالپى، ٴىس-شارا شەڭبەرىندە ۋچاسكەلىك پوليسيا ينسپەكتورلارى پاتەرلەر مەن اۋلالاردى ارالاپ، كوشى-قون زاڭناماسىن بۇزۋ فاكتىلەرىن انىقتاپ، ازاماتتىق قارۋدى ساقتاۋ جاعدايلارى مەن ىشكى ىستەر ورگاندارىندا ەسەپتە تۇرعان ادامداردى تەكسەردى.

سونىمەن قاتار ۋچاسكەلىك پوليسيا ينسپەكتورى قىزمەت كورسەتەتىن اۋماقتا ورنالاسقان ٴوندىرىس وبەكتىلەرىن، ۇيىمدار مەن مەكەمەلەردى تەكسەردى. كولىكجاي مەن ساياجايلاردى، بوس قالعان عيماراتتار مەن قۇرىلىس اۋماقتارىن، جىلۋ تراسسالارى مەن قۇدىقتار جانە ت.ب. تەكسەرۋ جۇرگىزىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي