BAQ.kz - Қазақстан жаңалықтары USD 375.9 BAQ.kz - Қазақстан жаңалықтары EUR 423.56 BAQ.kz - Қазақстан жаңалықтары RUB 5.55
استانا:

ەكىباستۇزدا 6 جاسار بالا ەكىنشى قاباتتان قۇلاپ كەتتى

فوتو: 1obl.ru

پاۆلودار وبلىسى ەكىباستۇز قالاسىندا 6 جاسار بالا ەكىنشى قاباتتان قۇلاپ كەتتى، دەپ حابارلايدى baq.kz ايماقتاعى ٴتىلشىسى.

قازىرگى ۋاقىتتا بالانىڭ ٴومىرى ٴۇشىن دەرىگەرلەر كۇرەسىپ جاتىر. كۋاگەرلەردىڭ حابارلاۋىنشا، بالاقاي باسىمەن تومەن قاراي قۇلاعان.

پاۆلودار وبلىستىق دەنساۋلىق ساقتاۋ باسقارماسىنىڭ ٴباسپاسوز حاتشىسى ەلميرا تەمىرعاليەۆانىڭ حابارلاۋىنشا، 6 جاسار بالاعا باس-ميىنىڭ اشىق جاراقاتى دەگەن دياگنوز قويىلدى.

«قازىرگى ۋاقىتتا جاعدايى تۇراقتى اۋىر. دارىگەرلەر قولدان كەلگەننىڭ ٴبارىن جاساپ جاتىر»، - دەيدى ۆەدومستۆونىڭ ٴباسپاسوز حاتشىسى.

جالپى، وبلىستا بالالاردى تەرەزەدەن قۇلاۋ جاعدايلارى جيىلەپ كەتتى. پاۆلوداردا سوڭعى ٴۇش جىلدا 26 بالا تەرەزەدەن قۇلاپ، توعىزى كوز جۇمعان. ال بىلتىرعى جىلى التى وقىس وقيعا تىركەلىپ، سوڭى بالالاردىڭ ولىمىمەن اياقتالدى.

ايتا كەتەيىك، قايعىلى جاعدايلاردى بولدىرماۋ ماقساتىندا جەرگىلىكتى ٴبىلىم بەرۋ ٴبولىمىنىڭ مۇرىندىق بولۋىمەن «ٴقاۋىپسىز تەرەزە» اكسياسى باستاۋ الدى. پاۆلودار قالالىق ٴبىلىم بەرۋ ٴبولىمىنىڭ مالىمەتىنشە، وبلىس ورتالىعىندا 67 مەملەكەتتىك بالاباقشا بار. بۇل ۇيىمداردا 17 مىڭعا جۋىق بالعىن تاربيە الۋدا. ولاردىڭ 10 مىڭى ەكىنشى قاباتتان جوعارى ورناتىلعان پاتەرلەردە تۇرادى. تەك 4105 بالا تەرەزەلەردەگى قاۋىپسىزدىك قۇرالدارىمەن قامتىلعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي