BAQ.kz - Қазақстан жаңалықтары USD 369.01 BAQ.kz - Қазақстан жаңалықтары EUR 416.39 BAQ.kz - Қазақстан жаңалықтары RUB 5.53
استانا:

دوسىن ٴولتىرىپ، دەنەسىن جانتۇرشىگەرلىك جاعدايدا كومىپ كەتكەن الماتىلىق ۇستالدى

الماتى، baq.kz. پوليسەيلەر جانجال بارىسىندا دوسىن ٴولتىرىپ، ٴىز جاسىرىپ كەتپەك بولعان الماتى وبلىسىنىڭ ازاماتىن ۇستادى. بۇل تۋرالى الماتى وبلىسى پوليسيا دەپارتمەنتىنىڭ ٴباسپاسوز قىزمەتى مالىمدەدى.

«كۇدىكتى جانجال بارىسىندا دوسىن ٴولتىرىپ، دەنەسىن جاڭادان سالىنىپ جاتقان مونشانىڭ ىشىنە كومگەن. پوليسەيلەر قىلمىس ورنىنان بوي تاسالاعان ازاماتتىڭ قايدا ەكەنىن انىقتاپ، وزگە وبلىس اۋماعىندا ۇستادى»،- دەلىنگەن دەپارتامەنت تاراتحان حابارلامادا.

وقيعا ەسىك قالاسىندا ورىن العان. قايتىس بولعان 31 جاستاعى ازامات جەكە ٴۇيىنىڭ جوندەۋ جۇمىستارىنا كومەكتەسۋ ٴۇشىن تانىسىن شاقىرعان. تۇندە ەكى دوستىڭ اراسىندا جانجال تۋىنداپ، 34 جاستاعى جىگىت تانىسىن ولتىرگەن. قىلمىستىق ارەكەتىن جاسىرۋ ماقساتىندا مارقۇمنىڭ دەنەسىن قۇرىلىسى اياقتالماعان مونشاسىنىڭ ىشىنە كومىپ، ەدەندى بەتونمەن قۇيىپ تاستاعان. وقيعا ورىنان بەلگىسىز باعىتتا بوي تاسالاعان.

«جەدەل ىزدەستىرۋ شارالارى بارىسىندا ٴتارتىپ ساقشىلارى ادام ولىمىنە قىلمىس ورىنان ٴىز سۋىتقان كۇدىكتىنى تۇركىستان وبلىسى اۋماعىندا قولعا ٴتۇسىردى. قازىرگى تاڭدا ول ەڭبەكشىقازاق اۋدانىنىڭ ۋاقىتشا ۇستاۋ يزولياتورىنا قاماققا الىندى. بۇل فاكتىگە قاتىستى قر قىلمىستىق كودەكسىنىڭ 99-بابىنا سايكەس سوتقا دەيىنگى تەرگەۋ امالدارى جۇرگىزىلۋدە»،- دەپ اتاپ ٴوتتى پوليسيا وكىلدەرى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي