BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

براكونەرلەر ٴتورت كۇندە 11 ميلليون تەڭگە شىعىن كەلتىردى

الماتى وبلىسى، baq.kz. 9 قاراشادا باستالعان «براكونەر» جەدەل الدىن الۋ ٴىس-شاراسى بارىسىندا تابيعات قورعاۋ زاڭناماسىنىڭ تالاپتارىن بۇزۋدىڭ 67 فاكتىسى انىقتالدى.

وسى فاكتىلەردى تەكسەرۋ بارىسىندا مەملەكەتكە كەلتىرىلگەن ماتەريالدىق شىعىن كولەمى 11 ميلليونننان استى. بۇل تۋرالى الماتى وبلىسى پوليسيا دەپارتامەنتىنىڭ ٴباسپاسوز قىزمەتى حابارلادى.

ۆەدومستۆو تاراتقان اقپاراتقا سايكەس قاراشا ايىنىڭ 9-13 كۇندەرى ەلىمىزدە «براكونەر» رەسپۋبليكالىق جەدەل الدىن الۋ ٴىس-شاراسى ۇيىمداستىرىلۋدا. ٴتارتىپ ساقشىلارى الماتى وبلىستىق ورمان شارۋاشىلىعى جانە جانۋارلار دۇنيەسى اۋماقتىق ينسپەكسياسى، "وحوتزووپروم "ٴوب" رەسپۋبليكالىق كاسىپورنى جانە تابيعات قورعاۋ پروكۋراتۋراسىمەن بىرلەسە وتىرىپ، وبلىس كولەمىندە كەڭ اۋقىمدا رەيدتەر مەن ٴتۇسىندىرۋ جۇمىستارىن جۇرگىزۋدە. ٴىس-شارانىڭ نەگىزگى ماقساتى – تابيعات قورعاۋ زاڭناماسىنىڭ تالاپتارىن مۇلتىكسىز ورىندالۋىن قامتاماسىز ەتۋ، ونىڭ بۇزىلۋىن بولدىرماۋ.

«براكونەر» جەدەل الدىن الۋ ٴىس-شاراسى بارىسىندا ٴتورت كۇن ىشىندە 67 قۇقىق بۇزۋشىلىق انىقتالىپ، ونىڭ 6 فاكتىسى بويىنشا قىلمىستىق ٴىس قوزعالدى.

«بالقاش اۋدانىندا 2 جەرگىلىكتى تۇرعىندى ۇستالدى. ولار ەلەكتر توعىن وندىرەتىن گەنەراتوردى جانە ماتورلى قايىقتى پايدالانا وتىرىپ، 151 كگ بالىقتى زاڭسىز اۋلاعان. ياعني، 500 مىڭ تەڭگەگە جۋىق ماتەريالدىق شىعىن كەلتىرگەن. وسى دەرەك بويىنشا قر قىلمىستىق كودەكستى 335-بابى بويىنشا سوتقا دەيىنگى تەرگەۋ امالدارى جۇرگىزىلۋدە»،- دەپ حابارلايدى وبلىستىق تابيعات قورعاۋ پوليسياسى بولىمشەسىنىڭ باستىعى پوليسيا پودپولكوۆنيگى ەرلان كۋدجاكوۆ.

ٴوز كەزەگىندە، ٴتارتىپ ساقشىلارى زاڭ تالاپتارىن بىلمەگەندىك ازاماتتاردى قانداي دا ٴبىر جاۋاپكەرشىلىكتەن بوساتپايتىنىن ەسكەرتەدى. سوندىقتان، وبلىس تۇرعىندارىن تابيعات قورعاۋ زاڭناماسىن قاتاڭ ساقتاۋعا شاقىرادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي