USD 334.31 EUR 355.17 RUB 5.31
استانا:

بقو-دا وقۋشىسىن ۇرعان ٴمۇعالىم 7 جىلعا دەيىن باس بوستاندىعىنان ايىرىلۋى مۇمكىن

باتىس قازاقستان وبلىسىندا 10-سىنىپ وقۋشىسىن ۇرىپ-سوققان ۇستازدارعا قاتىستى سوتقا دەيىنگى تەرگەۋ امالدارى ٴجۇرىپ جاتىر. ەسكە سالا كەتسەك، 4 قازان كۇنى قازتالوۆ اۋدانى قاراوبا اۋىلىندا دوپ ويناپ جۇرگەن جاسوسپىرىمگە العاشقى اسكەري دايارلىق ٴپانىنىڭ ٴمۇعالىمى مەن تاريح ٴپانىنىڭ وقىتۋشىسى الىمجەتتىك جاساعان.

كىندىكتەن تومەن سوققى العان بوزبالا ٴبىر اپتادان سوڭ ورال قالاسىنا جەتكىزىلگەن ەدى. وعان وبلىستىق بالالار اۋرۋحاناسىندا وپەراسيا جاسالدى.

قۇقىق قورعاۋ ورگاندارى ٴقازىر بولعان وقيعانىڭ جاي-جاپسارىن انىقتاۋدا. ايتۋلارىنشا، شاكىرتىنە كۇش كورسەتكەن اسكەري دايارلىق ٴپانىنىڭ ٴمۇعالىمى 7 جىلعا دەيىن باس بوستاندىعىنان ايىرىلۋى مۇمكىن.

اسىلاي عۇباشەۆا، بقو ٴىىد ٴباسپاسوز قىزمەتكەرى

- اتالعان فاكتىگە قاتىستى كامەلەتكە تولماعان وقۋشى دەنساۋلىعىنا قاساقانا زيان كەلتىرگەنى ٴۇشىن قر قىلمىستىق كودەكسىنىڭ 106-بابى ٴبىرىنشى بولىمىنە سايكەس قىلمىستىق ٴىس قوزعالدى. قازىرگى ۋاقىتتا باستاۋىش اسكەري دايارلىق ٴپانىنىڭ مۇعالىمىنەن وبلىس اۋماعىنان ەشقايدا شىقپاۋ تۋرالى قولحات الىنىپ، تەرگەۋ جۇمىستارى جالعاسۋدا.

ايگۇل مىڭبايەۆا، بقو ٴبىلىم بەرۋ باسقارماسىنىڭ باسشىسى

- جاعدايدى ەستىگەن بويدا وبلىستىق ٴبىلىم باسقارماسىنىڭ بۇيرىعىمەن كوميسسيا قۇرىلدى. كۇنى بۇگىن تاريح ٴپانىنىڭ ٴمۇعالىمى مەن العاشقى اسكەري دايارلىق ٴپانىنىڭ ٴمۇعالىمى ٴوز ەرىكتەرىمەن جۇمىستارىنان بوساتىلدى.

khabar.kz

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي