BAQ.kz - Қазақстан жаңалықтары USD 369.01 BAQ.kz - Қазақстан жаңалықтары EUR 416.39 BAQ.kz - Қазақстан жаңалықтары RUB 5.53
استانا:

بيىل شىعىس قازاقستاندا 36 ادام سۋعا باتقان

فوتو: SovetClub.ru

بۇگىن قۇتقارۋشىلار شومىلۋ ماۋسىمىنا ارنالعان قورىتىندى جيىن وتكىزدى. جيىندا بەلگىلى بولعانداي، وبلىس اۋماعىندا 36 ادام سۋعا باتقان ەكەن. ونىڭ 7-ەۋى بالالار، دەپ حابارلايدى baq.kz اقپارات اگەنتتىگى altaynews.kz سايتىنا سىلتەمە جاساپ.

قايتالاپ ايتامىز، بۇل – شومىلۋ ماۋسىمىندا عانا سۋعا باتقان ادامداردىڭ سانى. ال جىل كولەمىندە 45 ادام سۋعا كەتكەن.

شىعىس ايماقتىق اەروموبيلدى جەدەل-قۇتقارۋ جاساعىنىڭ باس قۇتقارۋشىسى اناتوليي روجكوۆتىڭ ايتۋىنشا، سۋعا باتۋ سەبەپتەرى – جۇزە بىلمەۋ (23 ادام سۋعا كەتكەن)، بالىق اۋلايمىن دەپ ارنايى ەرەجەلەردى ۇمىتۋ (7 ادام سۋعا كەتكەن)، بالالاردى قاراۋسىز قالدىرۋ (6 بالا سۋعا كەتكەن). بۇل جاعدايلار ارنايى شومىلۋعا ارنالماعان ورىنداردا بولعان.

قۇتقارۋشىلار بارلىعى 25 ادامنىڭ دەنەسىن تاپقان. سونىڭ 3-ەۋى بالالار. ال جەرگىلىكتى تۇرعىندار مەن پوليسيا قىزمەتكەرلەرى 11 ادامنىڭ دەنەسىن سۋدان الىپ شىققان.

جيىنعا قاتىسقان وبلىستىق توتەنشە جاعدايلار دەپارتامەنتى وكىلى شىعىستاعى قاندى وزەندەردى اتاپ ٴوتتى.

«انىقتاۋىمىزشا، ەرتىسكە – 5، ۋباعا – 5، بۇقتىرما سۋ قويماسىنا – 4 جانە ساسىقكول، زايسان كولدەرى مەن شار وزەندەرىنە ەكى-ەكى ادامنان اعىپ كەتكەن»، - دەيدى جاناربەك توقىشەۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي