BAQ.kz - Қазақстан жаңалықтары USD 372.49 BAQ.kz - Қазақстан жаңалықтары EUR 424.15 BAQ.kz - Қазақстан жаңалықтары RUB 5.54
استانا:

بعم وقو-دا 7 جاسار وقۋشىنىڭ زورلانۋىنا قاتىستى تۇسىنىكتەمە بەردى

فوتو: NewsRoom

وسىعان دەيىن باق-تا وڭتۇستىك قازاقستان وبلىسىندا جەتى جاستاعى بالانى جوعارعى سىنىپتىڭ وقۋشىلارى ەركىنەن تىس زورلاپ كەلگەنى تۋرالى مالىمەت جاريالانعان. بۇگىن قر ٴبىلىم جانە عىلىم ۆيسە-مينيسترى بيبىگۇل اسىلوۆا اتالعان جاعدايعا قاتىستى تۇسىنىكتەمە بەردى، دەپ حابارلايدى baq.kz ٴتىلشىسى.

«ٴتيىستى ساراپتاما جۇرگىزىلدى. ٴبىلىم باسقارماسى ونى راستايدى. بالا زورلانباعان»، - دەدى ۆيسە-مينيستر جۋرناليستەرگە ۇكىمەت وتىرىسىنان كەيىن.

وسى ورايدا بيبىگۇل اسىلوۆا باق وكىلدەرىنە تولىق اقپارات الۋ ٴۇشىن وڭتۇستىك قازاقستان وبلىسى ٴبىلىم باسقارماسىنا حابارلاسۋعا كەڭەس بەردى.

«سىزدەرگە تولىق اقپاراتتى وڭىردەگى ٴبىلىم باسقارماسى بەرە الادى. سەبەبى، ولاردا ماسەلەنىڭ ٴمان-جايىن تولىق باياندايتىن دەرەكتەر بار. الايدا قازىرگى تاڭدا وڭىردەگى ٴبىلىم باسقارماسى بىزگە بەرگەن انىقتاماسىندا (بالانىڭ زورلانعانى تۋرالى – اۆتور) مالىمەت راستالماعان. راسىن ايتقاندا، مەن ساراپتاما جۇمىستارىنىڭ قالاي جۇرگىزىلگەنىن بىلمەيمىن. سىزدەرگە تولىق اقپاراتتى قر ٴبىلىم جانە عىلىم مينيسترلىگى بۇگىن بەرەدى»، — دەدى بيبىگۇل اسىلوۆا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي