BAQ.kz - Қазақстан жаңалықтары USD 326.17 BAQ.kz - Қазақстан жаңалықтары EUR 401.25 BAQ.kz - Қазақстан жаңалықтары RUB 5.31
استانا:

باۋىرجان مۋسين 7 جىلعا باس بوستاندىعىنان ايىرىلدى

فوتو: ашық дереккөзден

استانا قالاسىنىڭ №2 الماتى اۋداندىق سوتى پارا الدى دەگەن ايىپپەن ۇستالعان قر ٴدىن ىستەرى جانە ازاماتتىق قوعام مينيسترلىگىنىڭ ازاماتتىق قوعام ىستەرى كوميتەتى باسشىسىنىڭ ورىنباسارى باۋىرجان مۋسينگە قاتىستى ۇكىم شىعاردى، دەپ حابارلايدى baq.kz اقپارات اگەنتتىگى.

سوتتا دالەلدەنگەندەي، 15.12.2016 جىلى كوميتەت ٴتوراعاسىنىڭ ورىنباسارى ب.مۋسين جانە «اسسار kz» جشس ديرەكتورى اراسىندا تاۋاردى مەملەكەتتىك ساتىپ الۋ تۋرالى جالپى سوماسى 4 900 000 تەڭگەنىڭ كەلىسىمى جاسالادى. ب.مۋسين ن.كولپاكوۆتان شىن مانىندە جەتكىزىلمەگەن تاۋاردى قابىلداعانى تۋرالى قۇجاتقا قول قويعانى ٴۇشىن 1 000 000 تەڭگە كولەمىندە پارا الادى.

بۇدان باسقا، ب.مۋسين ە.كۋلشاريەۆتان 400 000 تەڭگە كولەمىندە پارا الادى. ول «كۋلشاريەۆ ە.» جك-نىڭ جوسپارلانعان ساتىپ الۋلاردا جەڭىسكە جەتۋىن جانە 2017 جىلى ساۋىردە وتكىزىلەتىن سەمينارلاردى ۇيىمداستىرۋ شارالارىنا قاتىسۋىن قامتاماسىز ەتەتىن بولىپ كەلىسەدى.

سونىمەن، №2 الماتى اۋداندىق سوتىنىڭ ۇكىمىمەن ب.مۋسين 7 جىلعا باس بوستاندىعىنان ايىرىلدى. ول ٴوز جازاسىن قىلمىستىق-تۇزەۋ جۇيەسىنىڭ ورتاشا قاۋىپسىزدىك مەكەمەسىندە وتەيدى. سونىمەن قاتار، ول بۇدان بۇلاي جارعىلىق كاپيتالىندا مەملەكەتتىك ۇلەسى ەلۋ پايىزدان اساتىن مەملەكەتتىك جانە كوممەرسيالىق ۇيىمداردا، مەملەكەتتىك قىزمەتتە جۇمىس ىستەۋ جانە لاۋازىمدى قىزمەتتى اتقارۋ قۇقىعىنان ٴومىر بويعا ايىرىلدى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي