BAQ.kz - Қазақстан жаңалықтары USD 342.49 BAQ.kz - Қазақстан жаңалықтары EUR 400.85 BAQ.kz - Қазақстан жаңалықтары RUB 5.51
استانا:

بالقاشتا جانارماي قۇيۋ بەكەتى ورتەندى

فوتو: ашық дереккөзден

قاراعاندى وبلىسىنىڭ بالقاش قالاسىندا جانارماي قۇيۋ بەكەتىنەن ٴورت شىعىپ، تۇرعىنداردىڭ ومىرىنە ٴقاۋىپ تونگەن. ٴورتتىڭ شىعۋىنا بەنزين قۇيۋ پيستولەتىن دۇرىس قولدانباۋ سەبەپ بولعان، دەپ xابارلايدى baq.kz ايماقتاعى ٴتىلشىسى.

بالقاش قالاسىنىڭ قاق ورتاسىندا ورنالاسقان جانار-جاعارماي قۇيۋ بەكەتىندەگى ٴورت 80 شارشى مەتر اۋماقتى قامتىعان.

«11 شىلدە كۇنى 15 ساعات 6 مينۋتتا كەزەكشى بولىمگە «ازيا ويل» اۆتوجانارماي قۇيۋ بەكەتىندە ٴورت شىققاندىعى جايلى xابارلاما كەلىپ ٴتۇستى. ورتسوندىرۋشىلەر وقيعا ورنىنا كەلگەن ۋاقىتتا جانارماي ستانسياسىنىڭ ەكى جانارماي قۇيعىش باعاناسى، وپەراتور وتىراتىن جەردىڭ تەرەزەسى ورتەنىپ جاتقان. سونداي-اق، 80 شارشى مەتر اۋماققا اي-92 ماركالى جانارماي توگىلگەن. ٴورتتى سوندىرۋگە 5 ارنايى تەxنيكا مەن 20 ٴورتسوندىرۋشى جۇمىلدىرىلدى. ٴورت 15 ساعات 50 مينۋتتا اۋىزدىقتالىپ، 16 ساعات 04 مينۋتتا ٴسوندىرىلدى»، - دەيدى قاراعاندى وبلىستىق توتەنشە جاعدايلار دەپارتامەنتىنىڭ رەسمي وكىلى جاننا داۋرەنبەكوۆا.

ونىڭ ايتۋىنشا، ٴورتتىڭ شىعۋىنا بەنزين قۇيۋ پيستولەتىن دۇرىس قولدانباۋ سەبەپ بولعان. توتەنشە جاعدايدان زارداپ شەككەندەر مەن قازا بولعاندار جوق.

ۆيدەو: اۆتوردان

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي