USD 336.23 EUR 360.3 RUB 5.28
استانا:

اتىراۋدا بالا ساتقان مەديسينا قىزمەتكەرى 5 جىلعا سوتتالدى

فوتو: 24.kz

اتىراۋ وبلىستىق پەريناتالدى ورتالىعىنىڭ قىزمەتكەرى جاڭا تۋعان ٴسابيدى ساۋدالاعانى ٴۇشىن 5 جىلعا باس بوستاندىعىنان ايىرىلدى، دەپ حابارلايدى baq.kz ٴتىلشىسى.

وسى جىلدىڭ 19 ماۋسىمىندا ورتالىق قىزمەتكەرى نازگۇل حامزينا بالا ساتىپ جاتقان جەرىنەن بۇلتارتپاس ايعاقتارمەن ۇستالعان بولاتىن. پەرزەنتحانانىڭ مەديسينالىق تىركەۋشىسى قولىنا 2500 اقش دوللارى مولشەرىندە الدىن-الا كەپىل اقشا الىپ، قارجىنىڭ قالعان بولىگىن ٴسابيدى ساتىپ الۋشىعا بەرۋ كەزىندە ەسەپتەسپەك بولعان. ول وزبەكستان رەسپۋبليكاسىنان جۇمىس ىستەۋگە كەلىپ، اتىراۋدا بوسانىپ قالعان ازاماتشانى ٴوز ٴسابيىن ساتۋعا كوندىرگەن. قىلمىس ۇستىندە ۇستالىپ، كۇنى بۇگىنگە دەيىن ۋاقىتشا ۇستاۋ يزولياتورىندا قاماۋدا وتىرعان وعان قاتىستى سوت ۇكىمى شىقتى.

«سوت پروسەسى جابىق تۇردە ٴوتتى. سوتتالۋشى قر قك-نىڭ 135-بابى («كامەلەتكە تولماعاندار ساۋداسى») بويىنشا كىنالى دەپ تانىلىپ، دۇنيە-مۇلكىن تاركىلەۋمەن قاتار، 5 جىلعا باس بوستاندىعىنان ايىرىلۋ جازاسىن الدى»،- دەپ ٴمالىم ەتتى اتىراۋ وبلىستىق سوتىنىڭ ٴباسپاسوز حاتشىسى بورانباي عاليەۆ.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي