BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

اتىراۋ پوليسەيلەرى پارامەن ۇستالدى

اتىراۋ قالاسى ىشكى ىستەر ورگاندارىنىڭ قىزمەتكەرلەرى پارامەن ۇستالدى. بۇل تۋرالى قر مەملەكەتتىك قىزمەت ىستەرى جانە سىبايلاس جەمقورلىققا قارسى ٴىس-قيمىل اگەنتتىگىنىڭ رەسمي وكىلى جاننا باستاروۆا ايتتى، دەپ حابارلايدى baq.kz ٴتىلشىسى.

جاننا باستاروۆا اگەنتتىكتە ۇيىمداستىرىلعان ٴباسپاسوز مəسليحاتىندا وتكەن اپتادا ىشكى ىستەر ورگاندارى قىزمەتكەرلەرىنە قاتىستى ٴبىرقاتار سىبايلاس جەمقورلىق قىلمىس تىركەلگەنىن ايتتى.

«اتىراۋ وبلىسى بويىنشا سىبايلاس جەمقورلىققا قارسى قىزمەت اتىراۋ قالاسىنىڭ ىشكى ىستەر باسقارماسى باسشىسىنىڭ ورىنباسارى، پوليسيا پودپولكوۆنيگى جانە وسى باسقارمانىڭ كوشى-قون قىزمەتى ٴبولىمىنىڭ اعا ينسپەكتورى، پوليسيا مايورىنا قاتىستى سوتقا دەيىنگى تەرگەۋ جۇرگىزۋدە. كۇدىكتىلەر شەتەل ازاماتتارىنا ەڭبەك جاساۋعا رۇقساتتامالارىن كەدەرگىسىز جانە جىلدامداتىلعان تۇردە الۋ ٴۇشىن بيىلعى جىلعى مامىر-تامىزدا جۇيەلى نەگىزدە پارا العان»، - دەيدى باستاروۆا.

رەسمي وكىلدىڭ ايتۋىنشا، ولار وزبەكستان رەسپۋبليكاسىنىڭ ازاماتتارىن كەدەرگىسىز جانە جىلدامداتىلعان تۇردە تىركەۋ جانە ولارعا ەڭبەك جاساۋعا رۇقساتتاما الۋ ٴۇشىن اقشا قاراجاتى جانە تاۋارلىق-ماتەريالدىق قۇندىلىقتار تۇرىندە پارا العان. پارانىڭ جالپى سوماسى 213 مىڭ تەڭگەنى قۇراعان.

«ٴتىنتۋ بارىسىندا 80-نەن استام شەتەل ازاماتىنىڭ پاسپورتى جانە 600 مىڭ تەڭگە سوماسىنداعى اقشا قاراجاتى الىندى. قازىرگى تاڭدا تەرگەۋ جۇرگىزىلۋدە. كۇدىكتىلەر پارا الۋ فاكتىلەرىن تولىق مويىنداۋىنا بايلانىستى قاماۋعا الىنعان جوق»، - دەدى جاننا باستاروۆا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي