BAQ.kz - Қазақстан жаңалықтары USD 370.04 BAQ.kz - Қазақстан жаңалықтары EUR 420.99 BAQ.kz - Қазақстан жаңалықтары RUB 5.58
استانا:

اتىراۋ وبلىسىندا تەرگەۋ يزولياتورى باستىعى پارا الدى دەگەن كۇدىككە ٴىلىندى

استانا، baq.kz ٴتىلشىسى. قر سىبايلاس جەمقورلىققا قارسى ٴىس-قيمىل اگەنتتىگىنىڭ رەسمي وكىلى جاننا باستاروۆا سوڭعى ەكى اپتادا تىركەلگەن قىلمىستىق ىستەر تۋرالى باياندادى.

«قر سىبايلاس جەمقورلىققا قارسى ٴىس-قيمىل ۇلتتىق بيۋروسى اتىراۋ وبلىسى بويىنشا دەپارتامەنتىمەن وبلىستىق قىلمىستىق اتقارۋ جۇيەسى دەپارتامەنتىنىڭ ۋگ-157.1 مەكەمەسىنىڭ تەرگەۋ يزولياتورى باستىعىنىڭ مىندەتىن اتقارۋشى، ادىلەت كاپيتانىنا قاتىستى سوتقا دەيىنگى تەرگەۋ جۇرگىزىلۋدە. ول سوتتالعان ادامنان وزگە مەكەمەگە تاسىمالداماۋ، كەدەرگىسىز تاماقتى كىرگىزۋ تۋىسقاندارىمەن جۇزدەسۋدى ۇسىنۋ ٴۇشىن جالپى سوماسى 678 مىڭ تەڭگە كولەمىندە جۇيەلى پارا الدى دەگەن كۇدىككە ٴىلىندى. تەرگەۋ جالعاسۋدا»، - دەدى جاننا باستاروۆا.

ونىڭ ايتۋىنشا بقو بويىنشا قىلمىستىق اتقارۋ جۇيەسى دەپارتامەنتىنىڭ قارجىلىق قامتاماسىز ەتۋ بولىمشەسىنىڭ باستىعى سىبايلاس جەمقورلىق فاكتىسىمەن كۇدىككە ىلىنگەن.

«لاۋازىمدى تۇلعاعا قاتىستى الاياقتىق جانە كوتەرىڭكى زەينەتاقى تولەۋ ٴۇشىن «ازاماتتارعا ارنالعان ۇكىمەت» كوممەرسيالىق ەمەس اق وبلىستىق فيليالى لاۋازىمدىق تۇلعالارىنا 1 ملن 70 مىڭ تەڭگە سوماسىنداعى پارا بەرۋگە ٴىىم زەينەتكەرلەرىن ايداپ سالۋشىلىق فاكتىلەرى بويىنشا سوتقا دەيىنگى تەرگەۋ جۇرگىزىلۋدە. تەرگەۋ جالعاسۋدا»، - دەدى ول.

سونداي-اق، قر سىبايلاس جەمقورلىققا قارسى ٴىس-قيمىل ۇلتتىق بيۋروسىنىڭ قوستاناي وبلىسى بويىنشا دەپارتامەنتىمەن قر ٴىىم قىلمىستىق اتقارۋ جۇيەسى كوميتەتىنىڭ ۋك-161.11 مەكەمەسى رەسپۋبليكالىق مەملەكەتتىك مەكەمەسى باستىعىنىڭ ورىنباسارى، ادىلەت مايورىنا قاتىستى سوتقا دەيىنگى تەرگەۋ جۇرگىزىلۋدە. ول سوتتالعان ادامنان تەلەفونمەن سويلەسۋگە قوسىمشا ۋاقىت ۇسىنۋ جانە قامقورلىق ٴۇشىن حالىق تۇتىناتىن تالاپ تۇرىندەگى پارا الدى دەگەن كۇدىككە ىلگەن. تەرگەۋ جالعاسۋدا.

«اتالعان قر ٴىىم تۇزەتۋ جۇيەسىنىڭ لاۋازىمدى تۇلعالارى كىنانى تولىق مويىنداۋىنا جانە پروسەسسۋالدىق كەلىسىم جاساۋ نەمەسە جەدەلدەتىلگەن سوتقا دەيىنگى تەرگەۋدى قولداۋ تۋرالى ٴوتىنىش بەرگەنىنە بايلانىستى ۇستالعان جوق. قىلمىستىق پروسەستىك كودەكسىنىڭ 201-بابىنىڭ تالاپتارىنا سايكەس سوتقا دەيىنگى تەرگەۋ دەرەكتەرى تەرگەۋ مۇددەسى ٴۇشىن جاريا ەتىلمەيدى»، - دەدى جاننا باستاروۆا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي