BAQ.kz - Қазақстан жаңалықтары USD 359 BAQ.kz - Қазақстан жаңалықтары EUR 420.1 BAQ.kz - Қазақстан жаңалықтары RUB 5.41
استانا:

اتباساردى بيىل دا سۋ باسۋى مۇمكىن – تجد

توتەنشە جاعدايلار قىزمەتى كوكتەمگى سۋ تاسقىنىنا بايلانىستى اتباسار اۋدانىندا الدىن-الۋ شارالارىن جۇرگىزىپ جاتىر. بۇل تۋرالى وبلىستىق توتەنشە جاعدايلار دەپارتامەنتىنىڭ باستىعى الەكسەي سوۆەتوۆ ٴباسپاسوز تۋرىندا ايتتى، دەپ حابارلايدى baq.kz اقپارات اگەنتتىگى.

"جالپى، اتباسار اۋدانى سۋ باسۋ ٴقاۋپى اسا جوعارى اۋدانداردىڭ ٴبىرى. مۇنداعى جاباي وزەنىنىڭ باسسەينىندەگى توپىراقتىڭ كوكتەمگى ىلعالدىلىعى ادەتتەگى نورمادان ارتىق. سونداي-اق، بىرنەشە جىلعى باقىلاۋدىڭ ناتيجەسىندە، ناۋرىز جانە ٴساۋىر ايلارىندا تاۋلىگىنە ٴبىر ايلىق جاۋىن-شاشىننىڭ دەڭگەيى ٴتۇسۋى مۇمكىن" - دەيدى الەكسەي سوۆەتوۆ.

قازىرگى تاڭدا سۋ تاسقىنىنىڭ الدىن الۋ ماقساتىندا ٴتيىستى شارالار جۇرگىزىلىپ جاتىر. سول ماقساتتا اۋداندىق بيۋدجەتتەن 57.3 ملن تەڭگە كولەمىندە قاراجات بولىنگەن.

اتباسار اۋدانىنداعى ەلدى-مەكەندەردى ينجەنەرلىك قورعاۋدىڭ كەستەسىنە سايكەس، نوۆوسەلسكوە، پوكروۆكا، پولتاۆكا سياقتى اۋىلداردا سۋ تاسقىنىنىڭ الدىن الۋعا بايلانىستى ٴتۇرلى شارالار جۇرگىزىلگەن. ال وزگە اۋىلدىق وكرۋگتاردا جۇمىستار اعىمداعى جىلدىڭ 15 ناۋرىزىنا دەيىن اياقتالادى دەپ جوسپارلانۋدا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي