BAQ.kz - Қазақстан жаңалықтары USD 370.55 BAQ.kz - Қазақстан жаңалықтары EUR 421.76 BAQ.kz - Қазақстан жаңалықтары RUB 5.57
استانا:

استانادا ٴجۋرناليستى ٴولتىردى دەگەن كۇدىكتىنىڭ سۋرەتى جاريالاندى

فوتو: Tengrinews.kz

بۇل تۋرالى قر ٴىىم رەسمي وكىلى الماس سادۋبايەۆ مالىمدەدى، دەپ حابارلايدى baq.kz اقپارات اگەنتتىگى.

"قايعىلى وقيعا وتكەن ٴتۇنى بولعان. جۋرناليست يرينا بەكەتوۆانى بىرگە تۇرعان اناتوليي گۋسەينوۆ قىزعانىشتان ولتىرگەن. ول ونى كىرەبەرىستە ەر اداممەن كەزدەستىرگەن. قايتىس بولعان ايەلمەن ەر ادامنىڭ اراسىندا جانجال شىققان. وسى ۇرىستى كورگەن تانىسى كەتۋگە ۇيعارعان. الايدا كەتىپ بارا جاتىپ، ەر ادامنىڭ ايەلدى ۇرىپ جاتقانىن ەستىگەن. جوعارى كوتەرىلگەنىندە ايەلدىڭ ەس-تۇسسىز جاتقانىن كورىپ، جەدەل جاردەم شاقىرعان. بۇل كەزدە گۋسەينوۆ بەلگىسىز باعىتتا قاشىپ كەتكەن"، - دەيدى ٴىىم وكىلى.

بەكەتوۆ پەن گۋسەينوۆ زاڭ جۇزىندە وتباسىن قۇرماعان. ەكەۋىنىڭ ورتاق ەكى بالاسى بار. قىلمىسكەردى ۇستاۋعا ەلوردالىق ٴىىد جەكە قۇرامى تولىقتاي جۇمىلدىرىلعان. ٴىىم مالىمەتىنشە، استانا تۇرعىنى گۋسەينوۆ اناتوليي ميحايلوۆيچ ىزدەستىرىلۋدە.

ول 1984 جىلى 23 ماۋسىمدا دۇنيەگە كەلگەن. قانداي دا ٴبىر مالىمەتتى بەلگەن جاعدايدا، ازاماتتاردان دەرەۋ استانا ىشكى ىستەر دەپارتامەنتىنىڭ مىنا نومىرلەرىنە حابارلاسۋدى سۇرايدى: 8 (7172) 71-60-17، 71-61-47، 71-60-21، نەمەسە كەزەكشى ٴبولىم: 71-60-10، 71-60-11.

ەستەرىڭىزگە سالا كەتەيىك، كەشە استانادا ٴوز ٴۇيىنىڭ كىرەبەرىسىندە جۋرناليست يرينا بەكەتوۆانى ٴولتىرىپ كەتتى. يرينا 10 جىل «قازاقستان تەمىرجولشىسى» گازەتىندە جۇمىس ىستەدى جانە وسىدان 10 كۇندەي بۇرىن نۇر.كز سايتىنا جۇمىسىن اۋىستىرعان بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي