BAQ.kz - Қазақстан жаңалықтары USD 363.26 BAQ.kz - Қазақстан жаңалықтары EUR 420.11 BAQ.kz - Қазақстан жаңалықтары RUB 5.54
استانا:

استانادا ۇلاندىق جاۋىنگەر سۋعا باتقان كىسىنى قۇتقاردى

وقيعا 9 تامىز كۇنى ساعات 05:50 كەزىندە حازرەت سۇلتان مەشىتى ارتىنداعى ەسىل وزەنى بويىندا ورىن العان. ۇلتتىق ۇلان ٴان-بي ٴانسامبلىنىڭ كونسەرتمەيستەرى ەفرەيتور دەنيس ياكوۆلەۆ تاڭعى جاتتىعۋ كەزىندە وزەن بويىن جاعالاپ جۇگىرىپ كەلە جاتادى، دەپ حابارلايدى ۆaq.kz اقپارات اگەنتتىگى.

ونى توقتاتقان ەر كىسى پوليسيا بولىمشەسىنە سۋ بەتىندە بىرەۋدىڭ دەنەسى جاتقانىن حابارلاۋ ٴۇشىن تەلەفون تاپپاي تۇرعانىن ايتادى. دەنيس دەرەۋ كوزىمەن كورۋ ٴۇشىن سول تۇسقا جۇگىرىپ بارادى. جاقىنداپ، انىقتاپ قاراعاندا الگى ازاماتتىڭ باسىن قيمىلداتىپ، بەلگى بەرگەنىن بايقايدى. ٴبىرلى جارىم-سۇراق قويعاندا، جاۋاپ قاتپايدى، ابدەن توڭسا كەرەك، داۋىس شىعارمايدى. سودان ەفرەيتور ياكوۆلەۆ نە دە بولسا، تاۋەكەلگە بەل بۋىپ سۋعا سۇڭگىپ كەتەدى. ەلۋدى القىمداپ قالعان ەر كىسى ەكەن، ىڭعايلاپ، اۋپىرىمدەپ بىردە اياعىنان تارتىپ، بىردە يىعىنا سالىپ جاعاعا الىپ شىعادى.

جەدەل جاردەم مەن پوليسيا قىزمەتكەرلەرى كەلگەنشە، اياق-قولىن ۋقالاپ، قۇرعاق كيىممەن وراپ العاشقى مەديسينالىق كومەك كورسەتەدى. كەيىننەن دەنيس سۋ تەرەڭدىگىنىڭ ٴبىرشاما ەكەنىن ايتتى. وقيعا ورنىنا جەتكەن پوليسيا قىزمەتكەرلەرى جاپا شەگۋشىنىڭ قۇجاتتارى مەن جەكە زاتتارىن تابىستادى. قۇجاتىنان ونىڭ 03.01.1969 جىلى تۋعان قوستاناي وبلىسىنىڭ ازاماتى ەكەنى بەلگىلى بولدى. بۇگىندە ازامات استانا قالاسى قالالىق تەمىرجول اۋرۋحاناسىندا ەم قابىلداپ جاتىر. دەنساۋلىعى قالىپتى، ومىرىنە ەشقانداي ٴقاۋىپ ٴتونىپ تۇرعان جوق.

انىقتاما: دەنيس ياكوۆلەۆتىڭ قازاقستان رەسپۋبليكاسى ۇلتتىق ۇلانىنداعى قىزمەت ٴوتىلى 6 جىل، ٴان-بي ٴانسامبلىنىڭ كونسەرتمەيستەرى لاۋازىمىندا قىزمەت ەتەدى، وتباسىلى، ەكى قىزى بار.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي