BAQ.kz - Қазақстан жаңалықтары USD 361.94 BAQ.kz - Қазақстан жаңалықтары EUR 423.25 BAQ.kz - Қазақстан жаңалықтары RUB 5.4
استانا:

شاشىن ۇزارتىپ، جوق بولىپ كەتتى: استانادا الاياق ايەل ىزدەستىرىلۋدە

استانا قالاسىنىڭ پوليسيا دەپارتامەنتى الاياقتىق جاساعان كۇدىكتىنىڭ جەكە تۇلعاسىن انىقتاۋ ٴۇشىن كومەك كورسەتۋدى سۇرايدى، دەپ حابارلايدى baq.kz اگەنتتىگى استانا ٴىىد ٴباسپاسوز قىزمەتىنە سىلتەمە جاساپ.

11 قىركۇەيك كۇنى «الماتى» اۋدانىنىڭ پوليسيا باسقارماسىنا سۇلۋلىق سالونىنىڭ شەبەرى «بوتاگوز ەسىمدى بەيتانىس بويجەتكەن قىمبات قىزمەت ٴتۇرىن الىپ، ونىڭ اقىسىن تولەمەي، «قاشىپ» كەتكەنى تۋرالى شاعىمدانعان.

«بەلگىلى بولعانداي، 9 قىركۇەيك كۇنى كۇدىكتى رىسقۇلبەكوۆ كوشەسىندەگى سۇلۋلىق سالوندارىنىڭ بىرىندە قۇنى 70 مىڭ تەڭگە تۇراتىن شاش ٴوسىرۋ قىزمەتىن العاننان كەيىن بەلگىسىز باعىتتا كەتىپ قالعان. قازىرگى ۋاقىتتا پوليسيا كۇدىكتىنىڭ جەكە تۇلعاسىن انىقتاۋ جانە ونى ۇستاۋ بويىنشا جەدەل-ىزدەستىرۋ شارالارىن جۇرگىزىپ جاتىر. قر قك 190-بابى بويىنشا سوتقا دەيىنگى تەرگەۋ امالدارى باستالدى. استانا پوليسياسى الاياقتاردىڭ قۇربانى بولماس ٴۇشىن قىزمەت كورسەتۋ سالاسىنىڭ ماماندارىن اسا مۇقيات بولۋعا شاقىرادى»، - دەپ حابارلادى ىىد-دە.

سونداي-اق، پوليسەيلەر ازاماتتاردان كۇدىكتىنى تابۋعا كومەكتەسۋگە شاقىرادى. ەگەر، سىزدە بۇل ادام تۋرالى قانداي دا ٴبىر مالىمەت بىلسەڭىز، جانسۇگىر ۇلى كوشەسى، 2 مەكەنجايى بويىنشا ورنالاسقان «الماتى» اۋدانىنىڭ ىىب-گە كەلۋدى نەمەسە 8 (7172) 71-67-90، 71-61-48 نەمەسە 102 نومىرلەرىنە حابارلاسۋدى سۇرايدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي