BAQ.kz - Қазақстан жаңалықтары USD 370.04 BAQ.kz - Қазақстан жаңалықтары EUR 420.99 BAQ.kz - Қазақстан жаңалықтары RUB 5.58
استانا:

استانادا پاتەر ۇرىلارى ۇستالدى

فوتو: ашық дереккөзден

ەلوردالىق پوليسەيلەر جەدەل ارەكەت ەتۋ ارقاسىندا ٴبىر توپ پاتەر ۇرىلارىن قاماۋعا الدى، دەپ حابارلايدى baq.kz اگەنتتىگى newtimes.kz پورتالىنا سىلتەمە جاساپ.

پوليسياعا جەرگىلىكتى تۇرعىن حابارلاسىپ، بىلگىسىز بىرەۋلەر ونىڭ ۇيىنە تەرەزە ارقىلى كىرىپ، زەرگەرلىك بۇيىمدار، پلانشەتتەر مەن نوۋتبۋكتار سەكىلدى جەكە مۇلىكتەردى قولدى ەتكەنىنە ارىزدانعان.

«ىزىنە ٴتۇسۋ» بويىنشا جەدەل قابىلدانعان شارالار ارقىلى پوليسەيلەر ٴۇش كۇدىكتىنى ۇستاپ، استانا ٴىىد ۋاقىتشا ۇستاۋ يزولياتورىنا قاماعان.

ۇستالعان ازاماتتار تۇركىستان جانە اقتوبە وبلىستارىنىڭ تۇرعىندارى ەكەنى انىقتالعان. ولار استاناعا وتكەن ايدىڭ سوڭىندا كەلگەن. ٴۇش ازامات تا ۇرلىق جاساعانى ٴۇشىن بۇعان دەيىن جاۋاپقا تارتىلعان.

پوليسەيلەر تەرگەۋ ارەكەتتەرى بارىسىندا ۇرىلار قولدى ەتكەن زاتتاردىڭ ٴبىرازىن لومداردقا وتكىزگەندەرىن انىقتاعان. قازىرگى ۋاقىتتا زاتتاي ايعاقتاردى تاركىلەۋ بويىنشا شارالار جۇرگىزىلىپ جاتىر.

اتالعان فاكتى بويىنشا قر قك «ۇرلىق» بابى اياسىندا سوتقا دەيىنگى تەرگەۋ امالدارى جۇرگىزىلىپ، سونداي-اق، ۇستالعان ازاماتتاردىڭ بۇعان دەيىن ورىن العان وسى تەكتەس قىلمىستارعا قاتىسى بار-جوعى انىقتالىپ جاتىر.

سونىمەن قاتار، استانا پوليسەيلەرى لومباردتى تونادى دەگەن كۇدىكپەن ٴبىر توپ ازاماتتى قاماۋعا العان. بۇل جاعدايدا قالا تۇرعىنى پوليسياعا حابارلاسىپ، بەلگىسىز بىرەۋلەر تەرەزەدەگى توردى شەشۋ ارقىلى لومباردتىڭ ىشىنە زاڭسىز كىرىپ، 2 ملن تەڭگە مەن قۇنى 1،5 ملن تەڭگە بولاتىن ۇيالى تەلەفونداردى ۇرلاعانىن مالىمدەگەن.

كەشەندى جەدەل-ىزدەستىرۋ شارلارىن جۇرگىزۋ بارىسىندا پوليسەيلەر بۇل قىلمىستى جاساعان كۇدىكتىلەر - قوستاناي وبلىسىنىڭ ەكى ازاماتىنىڭ جانە استانا تۇرعىنىنىڭ ورنالاسقان ورنىن انىقتاپ، قاماۋعا العان. جاۋاپ الۋ بارىسىندا بارلىق كۇدىكتىلەر قىلمىس جاساعاندارىن مويىنداعان.

قازىرگى ۋاقىتتا قر قك «ۇرلىق» بابى بويىنشا سوتقا دەيىنگى تەرگەۋ امالدارى جۇرگىزىلەدى. ۇستالعاندار قاماۋعا الىندى. ولاردىڭ قالا ماڭىندا ورىن العان وسى تەكتەس باسقا قىلمىستارعا قاتىستىلىعى انىقتالۋدا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي