BAQ.kz - Қазақстан жаңалықтары USD 370.04 BAQ.kz - Қазақстан жаңалықтары EUR 420.99 BAQ.kz - Қазақстан жаңалықтары RUB 5.58
استانا:

استانادا ٴورت ورنىنان ايەل ادام مەن بالانىڭ دەنەلەرى تابىلدى

ەلورداداعى تەحنيكالىق قىزمەت كورسەتۋ ستانسياسىندا بولعان ٴورت ورنىننان ايەل ادام مەن بالانىڭ دەنەسى تابىلدى، دەپ حابارلايدى baq.kz ٴتىلشىسى.

«13 ناۋرىز كۇنى 11 ساعات 30 مينۋتتا «101» پۋلتىنە سىرىمبەت كوشەسىندەگى ٴورت تۋرالى حابار كەلىپ ٴتۇستى. استانا تجد ٴورت ٴسوندىرۋ قىزمەتىنىڭ بولىمشەسى وقيعا ورنىنا جەتكەن كەزدە ٴۇش قاباتتى كوتتەدج ورتكە ورانعانى بەلگىلى بولدى. ەكىنشى جانە ٴۇشىنشى قاباتتارى تولىق ٴورت قۇرساۋىندا بولعان. كوتتەدجدىڭ ٴبىرىنشى قاباتى تەحنيكالىق قىزمەت كورسەتۋ ستانسياسى رەتىندە جابدىقتالعان، ال ەكىنشى قوسالقى ٴۇي-جاي بولسا، ٴۇشىنشى قابات - ادامدار تۇراتىن قابات. كەيىننەن ٴورت شاتىر ارقىلى جاقىن ماڭدا تۇرعان ەكىنشى عيماراتقا تارالدى»، - دەدى استانا تجد-دا.

دەپارتامەنت مالىمەتى بويىنشا، ەكى عيماراتتاعى ٴورت كولەمى 300 شارشى مەتردى قۇراعان. سونداي-اق، ٴورت كەزىندە تقو ىشىندە بولعان اۆتوكولىك تە جانىپ كەتكەن.

«ٴورت 12 ساعات 29 مينۋتتا وقشاۋلانىپ، 12 ساعات 47 مينۋتتا ٴسوندىرىلدى. ٴورت ٴسوندىرۋ جۇمىستارىنا جەكە قۇرامنىڭ بارلىعى 31 ادام مەن 16 دانا تەحنيكا جۇمىلدىرىلدى. قازىرگى ۋاقىتتا ٴبىر زارداپ شەگۋشى بار، 1994 جىلى تۋعان بويجەتكەننىڭ وڭ جاق تىزەسىنىڭ استىڭعى بولىگى سىنعان. ٴورت ورنىن قاراۋ بارىسىندا ايەل ادام مەن بالانىڭ دەنەلەرى تابىلدى. ٴورتتىڭ شىعۋ سەبەپتەرى انىقتالىپ جاتىر»، - دەپ حابارلادى ەلوردالىق تجد-دا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي