BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

استانادا 6 جاسار قىزدى اۆتوبۋس ەسىگى قىسىپ قالدى

فوتو: devyatka.ru

بۇل تۋرالى روزا مۇراتوۆ facebook-تەگى توپتاردىڭ بىرىندە جازدى. ونىڭ ايتۋىنشا، وقىس جاعداي بۇگىن تۇسكە قاراي 35-باعدار اۆتوبۋسىندا بولعان، دەپ حابارلايدى ۆaq.kz اقپارات اگەنتتىگى.

ايەلدىڭ ايتۋىنشا، ونىڭ قىزى «ارناۋ» ايالداماسىنان اۆتوبۋسقا مىنەتىن كەزدە جۇرگىزۋشى ەسىكتى اسىعىس جاپقان.

«شامامەن ساعات 12.30-دا 35-باعدار اۆتوبۋسىنىڭ ەسىگى مەنىڭ 6 جاسار قىزىمدى قىسىپ قالدى. ونىڭ قاسىندا №69 مەكتەپتەن الىپ كەلە جاتقان 12 جاستاعى قىزىم بولدى. قاراوتكەل اۋىلىنداعى «ارناۋ» ايالداماسىنان ۇلكەن قىزىم كىشكەنتايىمدى قولىنان ۇستاپ اۆتوبۋسقا مىنگەن. سول كەزدە جۇرگىزۋشى ەسىكتى جابا باستاعان جانە بالالارعا ايعايلاعان. سول جۇرگىزۋشىنى تاۋىپ، بەتىنە قاراعىم كەلەدى. ناۋات ازانبايەۆا (astana lrt ٴباسپاسوز قىزمەتىنىڭ باسشىسى – رەد.) بۇل باسسىزدىق قاشان بىتەدى؟» - دەپ جازدى ايەل.

ال، بايلانىس ورتالىعى استانا تۇرعىنىنىڭ شاعىمىنا جاۋاپ قايتاردى.

«ٴسىزدىڭ ٴوتىنىمىڭىز ikomek — استانا قالاسىنىڭ ٴبىرىڭعاي بايلانىس ورتالىعىندا №sd0776663 تىركەلدى جانە استانا قالاسىنىڭ ٴتيىستى ورگانىنا جىبەرىلدى. قاراستىرىپ بولعان سوڭ سىزگە جاۋاپ بەرىلەدى»، - دەدى «109» قىزمەتىندەگىلەر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي