BAQ.kz - Қазақстан жаңалықтары USD 359 BAQ.kz - Қазақстан жаңалықтары EUR 420.1 BAQ.kz - Қазақстан жаңалықтары RUB 5.41
استانا:

almaty towers عيماراتىنداعى ٴورت ٴىسى بويىنشا ايىپتالۋشىلار سوڭعى سوزدەرىن ايتتى

فوتو: Forbes.kz

الماتى تاۋەرستەگى ورتكە قاتىستى ٴىس بويىنشا سوتتالۋشىلار سوتتا سوڭعى سوزدەرىن ايتتى، دەپ حابارلايدى baq.kz اقپارات اگەنتتىگى.

سوتتالۋشىلار ورىندىعىندا دانەكەرلەۋشى الەكساندر جۋك پەن ورتەنىپ كەتكەن باتۋت ورتالىعىنىڭ ديرەكتورى داۋرەن تۇياقوۆ وتىر. ولارعا قر قك 292-بابىنىڭ 3-بولىگى «ابايسىزدا ەكى نەمەسە ودان دا كوپ ادامنىڭ ولىمىنە اكەپ سوققان ٴورت قاۋىپسىزدىگى تالاپتارىنىڭ بۇزىلۋى» بويىنشا ايىپ تاعىلىپ وتىر. الەكساندر جۋك ٴورت كەزىندە قازا تاپقان ازاماتتاردىڭ اتا-انالارىنا كوڭىل ايتتى.

«كوڭىل ايتامىن. ٴبۇل ۇلكەن قايعى. ٴورت ٴسوندىرۋ قۇرالدارىنىڭ ٴبىرى دە ىستەمەي قالۋى مەنىڭ كىنام ەمەس. الگى ەسىك جابىق تۇراتىنى جايىندا دا بىلگەن جوقپىن. مەن ٴورت سوندىرەتىن قۇرالمەن جۇمىس ىستەۋدى بىلمەيمىن، سوندىقتان، ونى نيازوۆقا بەردىم. ٴبىراق، ول ىسكە قوسىلمادى. مەن ٴتىپتى قازا تاپقان بالالاردىڭ بار ەكەنىن دە بىلگەن جوقپىن. ەگەر، بىلسەم، ولاردى امان الىپ قالۋ ٴۇشىن بار كۇشىمدى سالار ەدىم. سوتتان مەنى بەس جىلعا اباقتىعا جاپپاۋدى سۇرايمىن. ٴوز كىنامدى جاناما تۇردە مويىندايمىن»، - دەدى ول.

ال داۋرەن تۇياقوۆ ٴوز كىناسىن ٴىشىنارا مويىندايتىنىن مالىمدەدى.

«مۇنداي وقيعا بولعانى وتە وكىنىشتى. ٴورت ورىن الىپ، التى ادامنىڭ ٴومىرىن جالماپ كەتتى، مۇنى ەشكىم قالاعان جوق. بۇل ۇلكەن تاجىريبە مەن ٴبىلىمنىڭ جوقتىعىنان دەپ سانايمىن. نۇسقاۋلىق جۇرگىزۋ قاجەتتىلىگى جايىندا ەشكىم ايتقان جوق. مەنىڭ تاراپىمنان كەتكەن كىنا – مەن بارلىعىن قاداعالاۋىم كەرەك ەدى. مەن ول جايىندا بىلگەن جوقپىن. العاشقى كۇندەرى سونىڭ سالدارىنان ستۋدەنتتەر كوز جۇمعان ەسىكتى مەن جاۋىپ قويدى دەپ ايتىلدى. قولىمدى جۇرەگىمە قويىپ تۇرىپ ايتامىن، مەن ول ەسىكتى جاپقان جوقپىن. جازىقسىز جاندار قازا تاپقانى وكىنىشتى. يا، مەن جەتكىلىكتى دەڭگەيدە دۇرىس باقىلامادىم، ٴبىراق، مەنى ول ٴۇشىن 5-10 جىلعا اباقتىعا جابۋ – بۇل ورەسكەل قاتەلىك. مەن ۋاقىتشا ۇستاۋ اباقتىسىندا بولدىم، كوپ نارسەنى ٴتۇسىندىم. مەنىڭ كامەلەت جاسىنا تولماعان ەكى بالام بار ەكەنىن ەسكەرۋ كەرەك»، - دەدى د.تۇياقوۆ.

ەسكە سالا كەتسەك، 2016 جىلدىڭ قاراشا ايىندا «الماتى تاۋەرس» عيماراتىندا ٴىرى ٴورت وقيعاسى ورىن الىپ، ونىڭ سالدارىنان التى ادام كوز جۇمدى. ونىڭ بىرەۋى دانەكەرلەۋشى بولسا، قالعان بەسەۋى الماتىلىق جوو ستۋدەنتتەرى. ٴورت كەزىندە ستۋدەنتتەردىڭ ەسىگى جابىق بولعاندىقتان، ولار سىرتقا شىعا الماعان دەگەن اقپارات تاراتىلعان بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي