BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

الماتىدا ٴۇش ايەلدى ٴولتىردى دەگەن كۇدىكپەن ۇستالعان ەر ادام قاماۋعا الىندى

فوتو: LovlyaVsem

الماتىدا ٴۇش ايەلدى ولتىرگەنى ٴۇشىن ايىپتالعان ەر ادام ۇستالىپ، قاماۋعا الىندى، دەپ حابارلايدى baq.kz اقپارات اگەنتتىگى.

قازاقستان رەسپۋبليكاسى قىلمىستىق كودەكسىنىڭ باپتارىندا قاراستىرىلعان زاڭعا قايشى ارەكەتتەر جاساعانى ٴۇشىن ايىپتالۋشى ازامات پ.-عا قاتىستى قىلمىستىق ٴىس قوزعالدى. سوت وتىرىسى سۋديا باقىتحان باكىروۆتىڭ ٴتوراعالىق ەتۋىمەن الماتى قالاسىنىڭ مامانداندىرىلعان اۋدانارالىق قىلمىستىق سوتىندا جابىق تۇردە وتەدى. الدىن الا تىڭدالۋ كۇنى ٴالى انىقتالعان جوق. قازىرگى ۋاقىتتا ايىپتالۋشى قاماۋدا.

2017 جىلعى 7 جەلتوقساندا الماتى قالاسىنىڭ ٴىىب كريمينالدىق پوليسيا باسقارماسىنىڭ قىزمەتكەرلەرى ازامات پ.-نى الماتى قالاسىنىڭ ەكى تۇرعىنىن تۇرمىستىق جاعدايدا، الكوگول ونىمدەرىن بىرگە ٴىشۋ كەزىندە ولتىرگەنى ٴۇشىن كۇدىكتى رەتىندە ۇستادى. پوليسيانىڭ مالىمەتىنشە، ايىپتالۋشى سونداي-اق 1994 جىلى تۋعان ازامات ك.-نى توناۋ ماقساتىندا ولتىرۋگە قاتىسى بار.

ەستەرىڭىزگە سالا كەتسەك، بۇعان دەيىن الماتىدا قۇربانداردى قاتىگەزدىكپەن ىشكى مۇشەلەرىن كەسىپ ولتىرگەن ادامنىڭ ٴتورت كۇن بويى ىزدەستىرىلىپ جاتقانى تۋرالى ايتىلعان بولاتىن.

«قۇربانداردىڭ ىشكى ورگاندارىن كەسكەنى تۋرالى اقپارات سوت-مەديسينالىق ساراپتاما ناتيجەلەرى بويىنشا راستالعان جوق. سوندىقتان بۇقارالىق اقپارات قۇرالدارىن جالعان اقپارات تاراتپاۋعا شاقىرامىز»، - دەدى الماتى پوليسياسىنىڭ ٴباسپاسوز قىزمەتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي