BAQ.kz - Қазақстан жаңалықтары USD 325.79 BAQ.kz - Қазақстан жаңалықтары EUR 402.94 BAQ.kz - Қазақстан жаңалықтары RUB 5.33
استانا:

الماتىدا 5-سىنىپ وقۋشىسى مەكتەپتە قايتىس بولدى

الماتىدا №118 مەكتەپ-گيمنازيانىڭ بەسىنشى سىنىپ وقۋشىسى دەنە شىنىقتىرۋ ساباعىندا قايتىس بولدى. بۇل تۋرالى قالالىق ٴبىلىم بەرۋ باسقارماسىنداعىلار مالىمدەدى، دەپ حابارلايدى ۆaq.kz اقپارات اگەنتتىگى tengrinews.kz باسىلىمىنا سىلتەمە جاساپ.

ۆەدومستۆونىڭ مالىمەتتەرىنە سۇيەنسەك، 13 جاستاعى الەكسەي حاليلوۆ 16 ساۋىردە دەنساۋلىعىنا بايلانىستى دەنە شىنىقتىرۋ ساباعىنا قاتىسپاعان.

«ول سپورت زالىنا كىرەبەرىستەگى حولدا وتىرعان. دەنە شىنىقتىرۋ ساباعىنان بوساتىلعان بالالار وتىراتىن ورىندىقتا كۇتكەن. اياق استىنان الەكسەيدىڭ جاعدايى ناشارلاپ قالدى. وعان العاشقى جەدەل كومەك كورسەتىلدى جانە مەديسينالىق جەدەل جاردەم شاقىرىلدى»، - دەلىنگەن حابارلامادا.

ٴبىلىم باسقارماسىنىڭ اقپاراتىنا قاراعاندا، الەكسەي بۇل مەكتەپتە ٴبىرىنشى سىنىپتان باستاپ وقىعان. بۇعان دەيىن دە بىرنەشە رەت ەسىنەن تالىپ قالعان.

«سىنىپ جەتەكشىسى بالانىڭ اتا-اناسىنا بىرنەشە رەت مەديسينالىق تەكسەرۋدەن ٴوتۋ تۋرالى ەسكەرتكەن. ونىڭ اجەسى تەكسەرىلىپ جاتىرمىز دەگەن. ال، الەكسەيدىڭ اتاسى ا.ر. نارتوۆتىڭ ايتۋىنشا، نەمەرەسىنىڭ قان اينالىم جۇيەسى دۇرىس ىستەمەگەن. سونىمەن قاتار، مەديسينالىق كارتاسىنداعى جازبالاردا بالادا 2014 جىلدان بەرى تالىپ قالۋ تىركەلگەن. نەۆروپاتولوگتىڭ قابىلداۋىندا بولعان. بۇعان دەيىن 2017 جىلدىڭ جەلتوقسانىندا تالىپ قالدى. سوندا نەۆروپاتولوگتىڭ ەسكەرتپەسىمەن ەم قابىلداعان بولاتىن»، - دەپ حابارلادى الماتى قالاسىنىڭ ٴبىلىم بەرۋ باسقارماسى.

ٴقازىر الماتى ٴىىد جەتىسۋ اۋدانىنىڭ ٴىىب تەرگەۋ جۇرگىزىپ جاتىر.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي