BAQ.kz - Қазақстан жаңалықтары USD 346.68 BAQ.kz - Қазақстан жаңалықтары EUR 404.02 BAQ.kz - Қазақстан жаңалықтары RUB 5.47
استانا:

الماتى تۇرعىنىنىڭ 7 جىل بۇرىن جوعالىپ كەتكەن ۇلى ٴولى كۇيىندە تابىلدى

فوتو: vestikavkaza.ru

كەيىن بەلگىلى بولعانداي، ەر بالا جوعالىپ كەتكەننەن كەيىن كوپ ۋاقىت وتپەي قايتىس بولعان، دەپ حابارلايدى baq.kz اقپارات اگەنتتىگى zakon.kz سايتىنا سىلتەمە جاساپ.

« ۇلىم باۋىر سيرروزى دەرتىمەن اۋىرعان. ونى اۋرۋحاناعا الىپ كەلگەن كەزدە ٴتىرى بولعان ەكەن، كەيىن اۋرۋحانادا قايتىس بولىپتى. ۇلىم وزىمەن بىرگە قۇجاتتارىن الىپ جۇرمەگەن. دارىگەرلەر ونىڭ تۋىستارىن بىرنەشە كۇن كۇتكەننەن كەيىن جەر قوينىنا تاپسىرعان»، - دەيدى جەتى جىل بۇرىن ٴىز-تۇسسىز جوعالعان جىگىتتىڭ اناسى.

ول ۇلى جوعالىپ كەتكەننەن كەيىن كوپ ۋاقىت وتپەي كوز جۇمعانىن جانە پوليسيا قىزمەتكەرلەرى كەلىپ، نە سەبەپتى جەتى جىل بويى ولاردىڭ كومەگىنە جۇگىنبەگەنىن سۇراعانىن ايتتى.

«مەن پوليسيا قىزمەتكەرلەرىنە كەشە عانا باردىم. ولار ۇلىمدى جارتى ساعاتتىڭ ىشىندە-اق تاۋىپ بەردى. مەن پوليسيا قىزمەتكەرلەرىنە جانە مەديسينا قىزمەتكەرلەرىنە ۇلىمدى تاۋىپ بەرگەندەرى ٴۇشىن العىس ايتامىن. ولارعا كوپ راحمەت! تىم بولماعاندا ۇلىمىزعا قۇران باعىشتادىق»، - دەيدى ول.

ەسكە سالا كەتسەك، ايەل بالاسى جوعالىپ كەتكەنىنە جەتى جىل بولعاندا عانا پوليسيا قىزمەتكەرلەرىنىڭ كومەگىنە جۇگىنگەن. وعان دەيىن ول «جدي مەنيا»، «بارمىسىڭ، باۋىرىم» باعدارلامالارىنا بارىپ، كومەك سۇراعان، ٴبىراق قۇقىق قورعاۋ ورگاندارىنا سەنبەگەندىكتەن، پوليسيا قىزمەتكەرلەرىنىڭ كومەگىنە جۇگىنبەگەن.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي