BAQ.kz - Қазақстан жаңалықтары USD 365.49 BAQ.kz - Қазақстан жаңалықтары EUR 420.35 BAQ.kz - Қазақстан жаңалықтары RUB 5.6
استانا:

الماتى تاۋلارىندا 8 ادام قۇتقارىلدى

فوتو: ic24.kz

الماتىدا قۇتقارۋشىلار وتكەن دەمالىستا تاۋدا اداسىپ كەتكەن 8 ادامدى قۇتقاردى، دەپ حابارلايدى baqkz اقپارات اگەنتتىگى قر ٴىىم تجك-عا سىلتەمە جاساپ.

قر ٴىىم تجك رەسپۋبليكالىق جەدەل قۇتقارۋ جاساعى وتكەن دەمالىستا ەكى قۇتقارۋ وپەراسياسىن جۇرگىزدى.

«جەكسەنبى كۇنى كەشكى 18:38-دە تۋريستەر توبى تاۋدان ٴوز بەتىنشە تۇسە الماي جاتقانى تۋرالى شۇعىل حابارلاما ٴتۇستى. بەس ادامنىڭ ٴبىرى – بالا»، - دەدى ٴباسپاسوز قىزمەتىنەن.

وقيعا ورنىناكەتكەن 5 جاساق ساربازى اداسقانداردى بىردەن تاپقان. ولاردىڭ ەشقايسىسىنا مەديسينالىق كومەك قاجەت بولماعان. سول كۇنى جەدەل قۇتقارۋ جاساعى كوكجايلاۋ شاتقالىندا اداسىپ كەتكەن تاعى 3 ايەلدى قۇتقاردى.

«جاياۋ شىققان ايەلدەر قايتار جولدى تابا الماي قالعان. 5 مينۋتتا وقيعا ورنىنا شىققان قۇتقارۋشىلار يتپەن ٴىز كەسۋ ارقىلى اداسقان ايەلدەردى تاۋىپ الدى. قۇتقارۋشىلار ولاردى ماشيناعا دەيىن امان-ەسەن جەتكىزدى»، - دەدى رجقج قۇتقارۋشىلارى.

قۇتقارۋشىلار تاۋعا شىققاندا بارىنشا اباي بولۋدى ەسكەرتەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي