BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

الماتى وبلىسىندا جالعىزباستى كەيۋانانى توناعان قىلمىستىق توپ ۇستالدى

تالدىقورعان، baq.kz. الماتى وبلىسىنىڭ پوليسەيلەرى بۇعان دەيىن سوتتى بولعان ٴۇش ازاماتتى ۇرلىق جاساپ، جالعىزباستى زەينەتكەردىڭ ۇيىنە قاراقشىلىق شابۋىل جاسادى دەگەن كۇدىكپەن ۇستادى.

قىلمىستىق توپ قاراشا ايىندا وزدەرىنىڭ جىمىسقى ارەكەتتەرىن قاراتال اۋدانىندا ىسكە اسىرعان. دەگەنمەن، جەرگىلىكتى ٴتارتىپ ساقشىلارى ولاردى قۇرىقتادى.

«توپ قۇرامىندا 46-55 جاس ارالىعىنداعى ٴۇش ازامات بولعان. بارلىعى دا –بۇعان دەيىن قىلمىستىق جاۋاپكەرشىلىككە تارتىلعان. قازىرگى تاڭدا ولار ۇشتوبە قالاسىندا تىركەلگەن 10 ۇرلىققا جانە اۋدان ورتالىعىنا جاقىن ورنالاسقان اۋىلداردىڭ بىرىندەگى قاراقشىلىققا قاتىسى بولۋى مۇمكىن دەگەن كۇدىككە ٴىلىندى»،- دەپ حابارلايدى الماتى وبلىسى پوليسيا دەپارتامەنتىنىڭ ٴباسپاسوز قىزمەتى.

كۇدىكتىلەردى ەلىمىزدىڭ ٴار وڭىرىنەن ۇستاعانى انىقتالدى. ولاردىڭ ٴبىرى – ۇشتوبە قالاسىندا ۇستالسا، قالعاندارى الماتى جانە شىمكەنت قالالارىندا قولعا تۇسكەن.

«ۇستالعان كۇدىكتىلەردىڭ باسقا قىلمىستارعا قاتىسى ٴالى كۇنگە تەكسەرىلۋدە. دالەلدەنگەن دەرەكتەر بويىنشا كەلتىرىلگەن ماتەريالدىق شىعىن 2 ميلليونعا جۋىقتادى. ونىڭ 1 ميلليون 300 مىڭ تەڭگەدەن استامى – 26 قاراشادا جالعىزباستى زەينەتكەردىڭ ۇيىنە جاسالعان قاراقشىلىق شابۋىلدىڭ ماتەريالدىق شىعىنى. قاراقشىلار ەگدە جاستاعى كەيۋانانى پىشاقپەن قورقىتىپ، سكوتچپەن بايلاپ تاستاعان. ونىڭ ۇيىنەن زەينەتاقى جيناعىن، كيىمدەرى مەن زەرگەرلىك بۇيىمدارىن الىپ كەتكەن»، - دەيدى وبلىستىق پوليسيا وكىلدەرى.

تىركەلگەن دەرەكتەر بويىنشا سوتقا دەيىنگى تەرگەۋ امالدارى قر قىلمىستىق كودەكسىنىڭ 188 جانە 192-باپتارى بويىنشا جالعاسۋدا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي