BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

الماتى وبلىسىندا زەينەتكەر ٴوز ۇلىن ٴولتىردى دەگەن كۇدىكپەن قامالدى

پوليسەيلەر ەڭبەكشىقازاق اۋدانىنىڭ 42 جاستاعى تۇرعىنىنىڭ ولىمىنە قاتىستى قىلمىستى اشتى. كۇدىكتى ۇستالدى جانە قاماۋعا الىندى، دەپ حابارلايدى baq.kz اقپارات اگەنتتىگى.

بۇل دەرەك ەڭبەكشىقازاق اۋدانىنىڭ بايدىبەك اۋىلىندا تىركەلگەن. 11 قىركۇيەك كۇنى جەكە ۇيلەردىڭ ٴبىرىنىڭ جانىندا ارقاسىندا پىشاق جاراقاتى بار ەر ادامنىڭ ٴمايىتى تابىلعان.

«زارداپ شەگۋشى ٴوز ٴۇيىنىڭ جانىندا قايتىس بولعان جانە ونى اۋىلداسى تاۋىپ العان. قىلمىسقا قاتىسى بار دەگەن كۇدىكپەن قايتىس بولعان ازاماتتىڭ 63 جاستاعى اكەسى ۇستالدى. انىقتالعانىنداي، الكوگولدىك ىشىمدىك قابىلداۋ بارىسىندا اكەسى مەن بالاسى اراسىندا جانجال تۋىنداپ، ناتيجەسى اۋىر قىلمىسقا اكەپ سوعادى. وقيعا ورنىنان پىشاق تابىلىپ، ول تاركىلەندى. ايعاقزات رەتىندە تەرگەۋ ماتەريالدارىنا تىركەلدى»،- دەپ حابارلايدى الماتى وبلىسى ٴىىد ٴباسپاسوز قىزمەتى.

سوتقا دەيىنگى تەرگەۋ امالدارى قر قىلمىستىق كودەكسىنىڭ «ادام ٴولتىرۋ» 99- بابىنا سايكەس جۇرگىزىلۋدە. كۇدىكتى ەڭبەكشىقازاق اۋدانىنىڭ ٴاىىب ۋاقىتشا ۇستاۋ يزولياتورىنا قامادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي