BAQ.kz - Қазақстан жаңалықтары USD 360.12 BAQ.kz - Қазақстан жаңалықтары EUR 409.67 BAQ.kz - Қазақстан жаңалықтары RUB 5.33
استانا:

الماتى وبلىسىندا تاۋلى ايماقتا رەسەيلىك ازامات سۋعا باتىپ كەتتى

فوتو: almatyregion-tour.kz

رەسەي فەدەراسياسىنىڭ ازاماتى الماتى وبلىسىنىڭ تاۋلى ايماعىندا تۋريستىك ساپار كەزىندە سۋعا باتىپ كەتتى، دەپ حابارلايدى baq.kz اقپارات اگەنتتىگى قر ٴىىم تجك-عا سىلتەمە جاساپ.

وبلىستاعى قۇتقارۋشىلار ولارعا كومەككە بارعان.

سەگىز ٴتۋريستىڭ ٴبىرى اقسۋ وزەنىنە قۇلاپ، باتىپ كەتكەن. قايعىلى جاعداي تالدىقورعان قالاسىنان 120 شاقىرىمدىق جەردە بولعان.

«قازىرگى اقپارات بويىنشا، ولار الماتى وبلىسىنىڭ جەدەل-قۇتقارۋ وتريادىنا رەسمي تۇردە تىركەلۋدەن وتپەگەن. ٴقازىر تۋريستەردى شاتقالدان كوتەرۋ جۇمىستارى جۇرگىزىلىپ جاتىر. تاۋلى جەردە ٴجۇرۋ جاعدايى مەن بايلانىستىڭ جوقتىعى قۇتقارۋشىلاردىڭ جۇمىسىن قيىنداتۋدا»، - دەيدى قر ٴىىم تجك-نىڭ رەسمي وكىلى رۋسلان يمانقۇلوۆ.

بۇل جاعداي تۋرالى 10 ماۋسىم كۇنى كەشكى ساعات 20:00-دەن كەيىن حابارلانعان. قۇتقارۋشىلار تەز ارادا وقيعا ورنىنا بارعان. ولار اقسۋ اۋدانىنا تۇنگى ساعات بىرگە قاراي جەتكەن.

تجك تاۋدا اداسۋ، اسىرەسە تۇنگى ۋاقىتتا العان باعىتتان جاڭىلىسۋ وڭاي ەكەنىن، سول سەبەپتى بويداعى كۇش-قۋاتتى ەسەپتەپ، كەشقۇرىم كۇردەلى جولدارمەن جۇرمەۋ كەرەكتىگىن ايتتى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي