BAQ.kz - Қазақстан жаңалықтары USD 361.94 BAQ.kz - Қазақстан жаңалықтары EUR 423.25 BAQ.kz - Қазақстан жаңалықтары RUB 5.4
استانا:

الماتى وبلىسىندا ٴىرى كولەمدە ەسىرتكى تاركىلەندى

رايىمبەك اۋدانىنىڭ اۋماعىندا جۇرگىزىلگەن رەيد بارىسىندا جالاڭاش اۋىلىنا جاقىن ماڭدا ٴتارتىپ ساقشىلارى «مەرسەدەس-بەنس» اۆتوكولىگىن توقتاتىپ، ونىڭ جۇكسالعىشىنان ٴىرى كولەمدە ەسىرتكى تاپتى، دەپ حابارلايدى baq.kz اقپارات اگەنتتىگى.

«شەتەلدىك كولىكتى 28 جاستاعى ازامات باسقارعان، ال ماشينادا 19 جاستاعى جولاۋشى بولدى. ەكى ازامات تا – تالعار اۋدانىنىڭ تۇرعىندارى. اۆتوكولىكتىڭ جۇكسالعىشىن تەكسەرۋ بارىسىندا پوليسەيلەر جالپى سالماعى 9 كيلوگرامم 339 گرامم بولاتىن ماريحۋانا تاۋىپ، ونى تاركىلەدى. ۇستالعان تۇلعالار جەرگىلىكتى پوليسيا بولىمىنە جەتكىزىلدى. قازىرگى ۋاقىتتا ەسىرتكى تاسىمالداۋ فاكتىسى بويىنشا قر قىلمىستىق كودەكسىنىڭ 296-بابىنا سايكەس تەرگەۋ امالدارى جۇرگىزىلۋدە»،- دەپ حابارلايدى الماتى وبلىسى ٴىىد ٴباسپاسوز قىزمەتى.

سوتقا دەيىنگى تەرگەۋ كەزىندە كۇدىكتىلەر مەكەنجايىن اۋىستىرماۋ تۋرالى مىندەتتەمەمەن بوساتىلدى.

ايتا كەتەيىك، ٴىىد تاراتقان اقپاراتقا سايكەس، وبلىستىڭ ٴتارتىپ ساقشىلارى جىل باسىنان بەرى 4 توننادان استام ٴارتۇرلى ەسىرتكىنى زاڭسىز ساۋدا اينالىمىنان تاركىلەگەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي