BAQ.kz - Қазақстан жаңалықтары USD 361.94 BAQ.kz - Қазақстан жаңалықтары EUR 423.25 BAQ.kz - Қазақстан жаңалықтары RUB 5.4
استانا:

الماتى وبلىسىندا 72 جاستاعى زەينەتكەرگە قاراقشىلىق شابۋىل جاساعاندار ۇستالدى

الماتى وبلىسىندا ٴىز-تۇسسىز جوعالعان زەينەتكەرگە قاراقشىلىق شابۋىل جاسالعانى انىقتالدى. قىلمىسقا قاتىسى بار ازاماتتار تابىلىپ، قاماۋعا الىنعان، دەپ حابارلايدى baq.kz اقپارات اگەنتتىگى.

بۇل دەرەك قاراساي اۋدانىندا تىركەلدى. 2 قىركۇيەك كۇنى جەرگىلىكتى پوليسياعا 72 جاستاعى ىرگەلى اۋىلىنىڭ تۇرعىنىن ىزدەۋگە ىقپال ەتۋ تۋرالى ٴوتىنىش تۇسەدى. جوعالعان ازامات كەيىنىرەك الماتى اۋرۋحانالارىنىڭ بىرىنەن تابىلدى. ونى جەدەل جاردەم قىزمەتى جەتكىزىپتى. انىقتالعانىنداي، بىرەۋلەر زەينەتكەردى سوققىعا جىققان، سودان ول ٴقازىر اۋىر حالدە جاتىر.

«ەگدە تارتقان ەر ادام ٴىرى بازارلاردىڭ ماڭىندا جوعالعانى بەلگىلى بولدى. ونىڭ قالتاسىنداعى قارجى مەن ۇيالى تەلەفونى ۇرلانعان. جەدەل-ىزدەستىرۋ شارالارى بارىسىندا زارداپ شەگۋشىنىڭ ٴجۇرۋى ىقتيمال باعىتى جاسالىپ، سول ماڭداعى بەينەكامەرالار تولىق قارالدى. جۇمىس ناتيجەسىندە قاراساي ٴاىىب قىزمەتكەرلەرى زەينەتكەردى سوققىعا جىعۋى مۇمكىن دەگەن كۇدىكپەن 1974 جانە 1992 جىلعى جەرگىلىكتى ەكى تۇرعىندى ۇستادى. ولار قاماققا الىندى»،- دەپ حابارلايدى الماتى وبلىسى ٴىىد ٴباسپاسوز قىزمەتى.

ٴتارتىپ ساقشىلارى قر قىلمىستىق كودەكسىنىڭ 192-بابىنىڭ 2-تارماعى «قاراقشىلىق» بويىنشا سوتقا دەيىنگى تەرگەۋ امالدارىن جۇرگىزۋدە. قاراقشىلار سوققىعا جىققان زەينەتكەر ٴالى كۇنگە مەديسينا قىزمەتكەرلەرىنىڭ باقىلاۋىندا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي