BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

اقتوبەدەگى ورتالىق بازار ورتەندى

فوتو: Автор

اقتوبەنىڭ ورتالىق بازارىنان ٴورت شىقتى. بازار اكىمشىلىگىنىڭ عيماراتى قىزىل جالىنعا وراندى. كۋاگەرلەردىڭ سوزىنشە، ٴورت كەشكى ساعات بەستەرگە تامان باستالعان. ٴورتتى سوندىرۋگە 14 ارنايى تەحنيكا جۇمىلدىرىلدى، دەپ حابارلايدى baq.kz ايماقتاعى ٴتىلشىسى.

اقتوبە قالاسىنداعى ورتالىق بازار اكىمدىگى عيماراتى ورتكە وراندى. ابىروي بولعاندا بۇگىن بازاردا تازالىق كۇنى. قىزمەتشىلەردىڭ سوزىنشە، مۇندا بۇگىن تەك كۇزەتشىلەر عانا بولعان. كۋاگەرلەر ٴتىلسىز جاۋدىڭ كەشكى ساعات 5-تەردە باستالعانىن ايتادى. ٴورت سوندىرۋشىلەر وقيعا ورنىنا 15 مينۋتتا جەتىپتى. عيماراتتىڭ ٴۇشىنشى قاباتىنان تۇك قالمادى.

«قالا سىرتىندا دەمالىپ جۇرگەنبىز. ەستىپ جاڭا كەلىپ تۇرمىز. قايتا بۇگىن تازالىق كۇنى. سوندىقتان ادام جوق. تەك كۇزەتشىلەر عانا بولۋى كەرەك. ەستۋىمشە، ٴورت ەلەكتر سىمىنىڭ تۇيىقتالۋىنان بولعان. انىق-قانىعىن ايتۋعا ٴالى ەرتە عوي. دەگەنمەن، بارلىعى جاقسى بولسىن»،-دەدى قالا تۇرعىنى ساردور ابدۋراحمونوۆ.

«جارتى ساعات بۇرىن باستالدى ٴورت. مىنادان بولدى دەپ ايتۋ قيىن. ٴبىراق ٴورت سوندىرۋشىلەر 10 مينۋت ىشىندە كەلىپ بولدى. ٴقازىر ٴورتتى سوندىرۋگە كورىپ تۇرسىز بىرنەشە كولىك كەلدى»، - دەيدى اقتوبەلىك.

ال، بازار اينالاسىن ٴتارتىپ ساقشىلارى قورشاپ تاستاعان. تۇرعىندار وقيعانى سىرتتان باقىلاپ تۇر. بازار اكىمشىلىگىنەن پىكىر الۋ مۇمكىن بولمادى. ٴورت سوندىرۋشىلەرگە حابار كەشكى ساعات 16.36-دا تۇسكەن. قىزىل جالىندى اۋىزدىقتاۋعا 80-گە جۋىق ٴورت ٴسوندىرۋشى مەن 14 ارنايى تەحنيكا جۇمىلدىرىلعان.

"زارداپ شەككەندەر جوق. ٴورت الاڭى 160 شارشى مەتردى قۇرادى. ٴورت كەشكى ساعات 17.13-دا اۋىزدىقتالدى. ٴورتتىڭ شىعۋ سەبەپتەرى انىقتالىپ جاتىر"،-دەدى اقتوبە وبلىستىق تجد ٴباسپاسوز حاتشىسىاقتىلەك كەڭەس.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي