BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

اقتوبەدە جىلقى ىزدەپ جوعالعاندار تابىلدى

فوتو: ашық дереккөзден

اقتوبەدە ٴۇيىر جىلقىسىن ىزدەپ جوعالعاندار تابىلدى. ىزدەۋ جۇمىستارى ناتيجەسىندە ولاردىڭ قىزىلوردا وبلىسىنىڭ ارال اۋدانىندا ەكەندىكتەرى انىقتالعان. بۇگىن تۇندە ولار اقتوبەگە جەتەدى، دەپ حابارلايدى baq.kz ايماقتاعى ٴتىلشىسى.

جىلقى ىزدەگەن 6 اقتوبەلىك قىزىلوردا وبلىسىنان تابىلدى. بارلىعى ٴدىن-امان. جوعالعانداردى ىزدەۋگە «قازاۆياقۇتقارۋ» قىزمەتىنىڭ تىكۇشاعى جۇمىلدىرىلدى. اقتوبەلىك ٴتارتىپ ساقشىلارىمەن قاتار ىزدەۋ جۇمىستارىنا قاراعاندى مەن قىزىلوردا وبلىستارىنىڭ دا پوليسيا قىزمەتكەرلەرى قاتىستى.

«جوعالعان تۇرعىنداردى ىزدەۋگە ىزدەستىرۋ توبى قۇرىلدى. قۇرامىندا ىرعىز اۋداندىق ىشكى ىستەر ٴبولىمى، قاراعاندى مەن قىزىلوردا وبلىستارىنىڭ ىشكى ىستەر دەپارتامەنتتەرىنىڭ پوليسيا قىزمەتكەرلەرى بار. ىزدەستىرۋ شاراسىنىڭ ناتيجەسىندە جوعارىدا كورسەتىلگەن تۇلعالار قىزىلوردا وبلىسى ارال اۋدانىنىڭ اۋماعىنان انىقتالدى»،-دەدى اقتوبە وبلىستىق ىشكى ىستەر دەپارتامەنتى ٴباسپاسوز قىزمەتىنىڭ جەتەكشىسى ەربولات سارقۇلوۆ.

بۇعان دەيىن حابارلاعانىمىزداي، جوعالعان 6 اقتوبەلىكتىڭ اراسىندا ٴبىر ٴۇيدىڭ قوس ۇلى بولعان. ولاردىڭ اكەسى 8-قىركۇيەك كۇنى اقتوبەدەگى زارەچنىي پوليسيا بولىمشەسىنە ارىز ٴتۇسىردى. وبلىستىق اكىمدىك پەن وبلىستىق توتەنشە جاعدايلار دەپارتامەنتىنەن كومەك سۇراعان ەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي