BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

اقتوبەدە جىلقى ىزدەپ جوعالعاندار ىزدەستىرىلىپ جاتىر

فوتو: ашық дереккөзден

اقتوبەدە مال ىزدەپ كەتكەندەر 10 كۇننەن بەرى تابىلماي جاتىر. 6 ادام ٴۇيىر جىلقىنى ىزدەپ، ۇيلەرىنەن 1-قىركۇيەكتە شىعىپ كەتكەن. سودان بەرى حابار جوق. تۋىستارى «كوردىم-بىلدىم» دەگەن ەشكىمدى تاپپاي وتىر، دەپ حابارلايدى baq.kz ايماقتاعى ٴتىلشىسى.

مال ىزدەۋگە شىققان اقتوبە وبلىسىنداعى شالقار اۋدانىنىڭ التى تۇرعىنى جوعالىپ كەتتى. ولار 1-قىركۇيەك كۇنى "ۋاز" كولىگىمەن ىرعىز، ٴتاۋىپ جانە ارال اۋدانىنداعى اقەسپە اۋىلدارىنا قاراي بەت العان. 2 جىل بۇرىن جوعالعان جىلقىلارىن ىزدەۋگە شىققاندار سوڭعى رەت 3-قىركۇيەكتە حابارلاسقان. كەشەدەن بەرى بۇل اقپارات الەۋمەتتىك جەلىلەردە تارالىپ جاتىر. تۋىستارى بۇگىن پوليسياعا شاعىمدانعان. ىزدەۋگە اقتوبە وبلىستىق اكىمدىگى مەن توتەنشە جاعدايلار دەپارتامەنتىنەن دە كومەك سۇراپتى. سوڭعىسىنان تىكۇشاق قوسۋدى ٴوتىنىپ وتىر. دەگەنمەن، قۇتقارۋشىلار تىكۇشاقتى جولعا شىعارۋدىڭ ازىرگە قاجەتتىلىگى جوقتىعىن ايتادى. سەبەبى، جوعالعانداردىڭ ناقتى قاي جاققا كەتكەنىن ەشكىم بىلمەيدى.

"جوعالعاندار ىزدەستىرىلىپ جاتىر. مەنىڭ بىلۋىمشە، تۋىستارى وبلىستىق ٴىىد ٴوتىنىش تۇسىرگەن. ٴبىزدىڭ قىزمەتتىڭ ىزدەستىرۋ جۇمىستارىنا قوسىلۋىنا ازىرگە قاجەتتىلىك جوق. سەبەبى، تابيعي اپاتتار ٴقاۋىپى بولمادى. ٴبىزدىڭ تاراپتان قانداي دا ٴبىر كومەك كەرەك بولسا، وبلىستىق ٴىىد قىزمەتكەرلەرى حابارلايدى. تۋىستارى جوعالعانداردىڭ ناقتى قاي اۋداندا جۇرگەنىن، قاي جەردە بولۋى مۇمكىندىگىن بىلمەگەندىكتەن تىكۇشاق قوسىلمادى. ولار ىرعىزدان شالقارعا، بايعانينگە، قىزىلورداعا كەتۋى مۇمكىن دەگەن بولجامدار ايتتى. سوندىقتان، مىڭداعان شاقىرىمداردى ارالاۋعا تىكۇشاق قاراستىرىلمايدى"،-دەدى اقتوبە وبلىستىق توتەنشە جاعدايلار دەپارتامەنتى باستىعىنىڭ ورىنباسارى قايرات قاسىم.

جوعالعان التى ادامنىڭ اراسىندا ٴبىر ٴۇيدىڭ ەكى ۇلى بار. مەيىرحان قاراقوۆ 47 جانە مەيىرجان قاراقوۆ 42 جاستا. ۇلدارىنىڭ سۋرەتتەرىن الەۋمەتتىك جەلىگە اكەسى جاريالاعان. قاستارىنا 59 جاستاعى كىسى ەرگەن. تاعى ۇشەۋى ەكى جىل بۇرىن جوعالىپ كەتكەن 33 باس جىلقىنى كوردىك دەپ حابارلاعان ٴۇش شالقارلىق. الەۋمەتتىك جەلى پايدالانۋشىلارى اراسىندا اقساقالدىڭ ٴبىر ۇلىن تانىعاندار بار. ال، اقتوبە وبلىسى ىشكى ىستەر دەپارتامەنتىنىڭ كريمينالدىق پوليسيا باسقارماسىنىڭ ماماندارى ىزدەستىرۋ جۇمىستارىن باستاعان.

فوتو: الەۋمەتتىك جەلىدەن الىنعان

«ولار اعىمداعى جىلى تامىزدىڭ 31-ىندە شالقار قالاسىنا جوعالعان مالدارىن ىزدەمەك بوپ جولعا شىققان. بۇگىنگى كۇنگە دەيىن ۇيلەرىنە ورالماعان. ٴقازىر جوعالعاندارعا قاتىسى كەشەندى ىزدەستىرۋ شارالارى قولعا الىندى. ىزدەۋ ٴىسى قوزعالدى. سەلولىق وكرۋگتاردىڭ ۋچاسكەلىك ينسپەكتورلارى تۇگەلدەي جۇمىلدىرىلۋدا»،-دەدى وبلىستىق ىشكى ىستەر دەپارتامەنتى ٴباسپاسوز قىزمەتىنىڭ جەتەكشىسى ەربولات سارقۇلوۆ.

ٴتارتىپ ساقشىلارى جوعالعاندار تۋرالى قانداي-دا ٴبىر اقپارات بىلەتىندەرگە پوليسياعا جۇگىنۋلەرىن سۇرايدى. اعايىندى قاراقوۆتاردى كورگەن نەمەسە قاندايدا ٴبىر مالىمەتتەردى بىلگەن ازاماتتار اقتوبە قالالىق زارەچنىي پب كەزەكشى ٴبولىمىنىڭ 8-(7132) 99-69-25، 99-68-02، 102 جانە اقتوبە قالالىق ٴىىب جەدەل باسقارۋ ورتالىعىنىڭ 98-45-44، ٴىىد كپب ىزدەستىرۋ ٴبولىمىنىڭ 98-00-77،98-77-00 تەلەفوندارىنا حابارلاسۋلارىن سۇرايدى.

وبلىستىق ٴىىد ٴباسپاسوز قىزمەتىنىڭ حابارلاۋىنشا، جىلقى ىزدەگەندەردى "وحوتزووپروم" مەكەمەسىنىڭ قىزمەتكەرلەرى ىرعىز اۋدانىنىڭ اۋماعىندا كورگەن. ٴتارتىپ ساقشىلارىنا "ولار جەزقازعان قالاسىنىڭ ماڭىنداعى ۇلىتاۋ شاتقالىنا قاراي بەت الدى" دەگەن اقپار تۇسكەن. ٴقازىر ىزدەستىرۋ جۇمىستارىنا تىكۇشاق قوسۋ ماسەلەسى قر ٴىىم تجك قاراستىرىلىپ جاتىر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي