BAQ.kz - Қазақстан жаңалықтары USD 346.68 BAQ.kz - Қазақстан жаңалықтары EUR 404.02 BAQ.kz - Қазақстан жаңалықтары RUB 5.47
استانا:

اقتوبەدە ٴسابيلى بولعان ايەل ٴبىر جىل بويى كومادا جاتىر

فوتو: oggiscuola.com

دارىگەرلەر 2017 جىلى ماۋسىم ايىندا ٴسابيىن دۇنيەگە الىپ كەلگەننەن كەيىن كوماعا ٴتۇسىپ قالعان كەلىنشەكتىڭ جاعدايى جاقسارىپ كەلە جاتقانىن ايتتى، دەپ حابارلايدى baq.kz اقپارات اگەنتتىگى newtimes.kz سايتىنا سىلتەمە جاساپ.

24 جاستاعى كەلىنشەك 2017 جىلى 30 ماۋسىم كۇنى قارعالى پەرزەنتحاناسىندا ٴسابيلى بولعاننان كەيىن كوپ قان كەتىپ، كوماعا ٴتۇسىپ قالعان. اقتوبەدەگى وبلىستىق اۋرۋحانادا ٴۇش اي بويى ەمدەلگەن كەلىنشەكتى سانكت-پەتەربۋرگتەگى ەمحاناعا اۋىستىرادى. ونىڭ تۋىستارى رەسەيلىك ەمحانادا ەمدەلۋدى جالعاستىرۋدى قالاعان، ٴبىراق اقتوبەلىك دارىگەرلەر كەلىنشەكتىڭ ەمىن شەتەلدە ۇزاق ۋاقىت بويى قارجىلاندىرا المايتىندارىن ايتقان. قازىرگى ۋاقىتتا ناۋقاس استاناداعى وڭالتۋ ورتالىعىنا اۋىستىرىلعان.

«ونى استاناعا اۋىستىردى. ول ٴقازىر وڭالتۋ ورتالىعىندا جاتىر. ەم العاننان وڭدى وزگەرىستەر بار، دەگەنمەن كومادان ٴالى شىققان جوق»، - دەيدى وبلىستىق دەنساۋلىق ساقتاۋ باسقارماسىنىڭ باسشىسى اسەت قاليەۆ.

ول قارعالى پەرزەنتحاناسىندا بولعان باسقا قايعىلى جاعداي تۋرالى دا پىكىر ٴبىلدىردى.

«بوسانعان ايەل پەرزەنتحاناداعى حاتتاما دۇرىس ەمەس ەكەندىگىن جانە ونى وزگەرتۋ كەرەكتىگىن ايتقان. ٴبىراق، بۇل ول اي ەمەس. ول جاعدايعا حاتتامانىڭ ەش قاتىسى جوق. ٴسابي جاتىر ىشىندە جاتقاندا اۋىرعان، ياعني ونىڭ وكپەسى قابىنعان، سول سەبەپتى ٴسابي شەتىنەپ كەتتى»، - دەيدى دەنساۋلىق ساقتاۋ باسقارماسىنىڭ باسشىسى.

ەسكە سالا كەتسەك، اقتوبە تۇرعىنى دارىگەرلەر بوسانۋ تۋرالى حاتتاما تولتىرىپ جاتقان كەزدە ٴسابيى جاتىر ىشىندە تۇنشىعىپ قالعانىن ايتقان. بۇل – ونىڭ ٴۇشىنشى ٴسابيى ەدى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي