BAQ.kz - Қазақстан жаңалықтары USD 374.2 BAQ.kz - Қазақстан жаңалықтары EUR 420.34 BAQ.kz - Қазақстан жаңалықтары RUB 5.52
استانا:

اقتوبەدە كولىك جارىلىپ، ٴۇش ادام اۋرۋحاناعا ٴتۇستى

فوتو: xs.uz

شاھار ماڭىنداعى وندىرىستىك ايماقتا جانار-جاعارماي تاسيتىن كولىك جارىلىسىنان زارداپ شەككەندەردىڭ ەكەۋى جانساقتاۋ بولىمىندە جاتىر. جاعدايلارى اۋىر، دەپ حابارلايدى baq.kz ايماقتاعى ٴتىلشىسى.

توتەنشە جاعداي 10-قىركۇيەكتە «sinooil» كومپانياسىنىڭ جانار-جاعارماي ساقتاۋ قويماسىندا بولعان. جارىلىس كەزىندە كولىك جانىندا تۇرعان ەكى وپەراتور زيباگۇل تۇمەنبايەۆا مەن سەرىكباي پالۆانوۆ 90 پايىزعا جۋىق كۇيىك العان. ٴقازىر ەكەۋى دە وبلىستىق جەدەل جاردەم اۋرۋحاناسىنىڭ جانساقتاۋ بولىمىندە جاتىر. كولىك جۇرگىزۋشىسى بولات سارسەنوۆ تە اۋرۋحانادا. ول وقيعانىڭ ٴمان-جايىن ايتىپ بەردى.

«مەنى اۋرۋحانادان شىعىپ كەتتى دەپ ايتقان ەكەن. مەن ٴالى وسىندامىن. جاراقات بولىمىندە ەم قابىلداپ جاتىرمىن. از ادام ايتسا، ماسەلە دە از بولادى دەپ ويداعان شىعار. وقيعا بولعان كۇنى مەن كولىگىمدى تولتىرۋعا كۇندىزگى ساعات 13.30-دا باردىم. جانار-جاعارماي قۇيۋ كولىگىنىڭ جانىندا ەكى وپەراتور جۇمىس ىستەپ تۇردى. ٴبىر سىيىمدىلىقتى تولتىرعاننان كەيىن ەكىنشىسىنە تولتىرۋدى باستاعان كەزدە قايدان ەكەنىن بىلمەيمىن جارىلىس بولدى. ۇشەۋمىزدى دە قاتتى تولقىن ۇشىرىپ جىبەردى. كولىكتىڭ ىشىندە وتىرعان ەدىم. كولىكتەن سەكىرىپ قاشا باستادىق. وپەراتور سەرىكبايدىڭ ۇستىنە جانارماي ٴسىڭىپ قالعاندىقتان بىردەن كيىمى جانا باستادى. جۇگىرىپ بارىپ، ونىڭ ٴۇستىن سوندىرە باستادىم. ٴوزىمنىڭ ۇستىمدەگى كۇرتەشەم دە جانا باستادى. ونى شەشىپ، ٴسوندىردىم. ارتىما قاراسام زيباگۇل دە جانىپ جاتىر. كيىمى دەنەسىنە جابىسىپ قالعان. ٴسوندىرىپ، قولىنان تارتىپ 10 مەتردەي جەرگە سۇيرەپ اپاردىم. سەبەبى، جالىننىڭ كۇشى مىقتى بولدى»، - دەدى بولات سارسەنوۆ.

زارداپ شەككەن ۇشەۋ جەدەل جاردەم قىزمەتى وقيعا ورىنانا جەتكەنشە مەكەمەنىڭ كولىگىمەن اۋرۋحاناعا جەتكىزىلگەن. كولىك جۇرگىزۋشىسى بولات سارسەنوۆتىڭ سوزىنشە، ەكى كۇننەن بەرى مەكەمە باسشىلارى ٴحالىن سۇراپ كەلىپ ٴجۇر. وقيعا بويىنشا ٴقازىر ارنايى كوميسسيا قۇرىلعان. يندۋستريالىق دامۋ جانە ونەركاسىپتىكقاۋىپسىزدىك كوميتەتىنىڭ اقتوبە وبلىسى بويىنشا دەپارتامەنتى اينالىسىپ جاتىر.

«جۇمىس ەندى باستالدى. ناقتى ەشتەڭە ايتا المايمىز. «sinooil» جشس وبلىستىق فيليالىنا ٴتيىستى كولىك جارىلدى. وقيعانىڭ قالاي، نە ٴۇشىن بولعانىن انىقتايمىز. سۇراق كوپ. كوميسسيا قۇرامىنا ٴبىزدىڭ دەپارتامەنتتىڭ، ەڭبەك ينسپەكسياسى مەن مەكەمە وكىلدەرى كىردى. 10 كۇن ىشىندە ناتيجەسىن شىعارامىز»، - دەدى يندۋستريالىق دامۋ جانە ونەركاسىپتىكقاۋىپسىزدىك كوميتەتىنىڭ اقتوبە وبلىسى بويىنشا دەپارتامەنتىنىڭ ٴبولىم باسشىسى سامات تاجداۋلەتوۆ.

جانعان كولىك ەسكى ەمەس. دەپارتامەنت وكىلى قىتايدا جاسالعانىن ايتادى. وقيعاعا قاتىستى اقتوبە وبلىستىق ٴىىد قىزمەتكەرلەرى قانداداي دا ٴبىر اقپارات بەرمەدى. وپەراتور زيباگۇل تۇمەنبايەۆا 53 جاستا، ال، 30 جاستاعى سەرىكباي پالۆانوۆتىڭ 5 بالاسى بار.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي