BAQ.kz - Қазақстан жаңалықтары USD 326.52 BAQ.kz - Қазақстан жаңалықтары EUR 399.33 BAQ.kz - Қазақстан жаңалықтары RUB 5.26
استانا:

اقتوبەدە اسكەري قىزمەتكەر 2 بالانى ورتتەن قۇتقاردى

اقتوبە قالاسى ماحامبەتوۆ كوشەسىندەگى №4 ۇيدەن كەشە ٴورت شىعىپ، 7 ادام ٴقاۋىپسىز جەرگە كوشىرىلدى. ورتەنگەن ٴۇي ىشىندەگى ەكى بالانى №6655 اسكەري ٴبولىمىنىڭ قىزمەتكەرى الىپ شىققان، دەپ حابارلايدى baq.kz ايماقتاعى ٴتىلشىسى.

قىزىل جالىن كەشە كەشكى ساعات 19:04-تە ماحامبەتوۆ كوشەسىندەگى №4 ۇيدەگى پاتەرلەردىڭ بىرىنەن شىقتى. تۇرعىنداردىڭ ايتۋىنشا، ەكى قاباتتى ەسكى ۇيدەن شىققان ورتكە ەلەكتر سىمدارىنىڭ تۇيىقتالۋى سەبەپ بولۋى مۇمكىن. وقيعا ورنىنا 3 بىرلىك تەحنيكا جىبەرىلگەن. 1940 جىلدارى سالىنعان تۇرعىن ٴۇيدىڭ تۇگەل جانۋ ٴقاۋىپى باسىم بولعاندىقتان، بىردەن 3 ٴورت ٴسوندىرۋ كولىگى جۇمىلدىرىلعان.

«بىزگە شاقىرتۋ ساعات 19:05-تە ٴتۇستى. ٴورت سوندىرۋشىلەر جەتكەندە №1 پاتەردىڭ كىرە بەرىسى مەن جاتىن بولمەسى جانىپ جاتتى. جالپى شارپىعان ٴورت كولەمى 20 شارشى مەتر. 19:26-دا جالىننىڭ الدىن الىپ، 19:31-دە تولىق سوندىردىك. ٴۇي وتە ەسكى. ورتتەن 7 ادام ٴقاۋىپسىز جەرگە شىعارىلدى، ونىڭ ەكەۋى – بالا»، - دەدى اقتوبە وبلىستىق تجد ٴورت ٴسوندىرۋ جانە اپاتتىق قۇتقارۋ قىزمەتى باستىعىنىڭ ورىنباسارى مالىك زۇلقاشەۆ.

ٴورت سوندىرۋشىلەر وقيعا ورنىنا جەتكەنشە ٴورت شىققان پاتەردىڭ يەسىن كورشىسى اناتوليي كامنەۆ سىرتقا الىپ شىعىپتى. 50 جاستا پاتەر قوجايىنى ۆاسيلەۆ مۇمكىندىگى شەكتەۋلى جان. ال، جوعارى قاباتتاعى 1-1،5 جاستاعى ەكى ٴبۇلدىرشىندى №6655 اسكەري ٴبولىمىنىڭ قىزمەتكەرى رىسقالي ەڭسەپبايەۆ الىپ شىققان. ەۆاكۋاسيالانعان جاندار ٴدىن امان. تەك ٴورت شىققان پاتەر يەسىنىڭ اياعىن كۇيىك شالعان. جاراقاتى اۋىر ەمەس.

«ەفرەيتور رىسقالي ەڭسەپبايەۆ جۇمىستان ۇيىنە قايتىپ بارا جاتقان كەزدە وقيعانىڭ كۋاگەرى بولادى. تۇرعىنداردان ىشتە ادامداردىڭ بارىن ەستىگەن ول بىردەن جانىپ جاتقان ۇيگە ەنگەن. الدىمەن ەگدە جاستاعى ادامدى الىپ شىعىپ، كەيىن ەكىنشى قاباتتاعى ەكى بالانى قۇتقاردى، - دەدى №6655 اسكەري ٴبولىمىنىڭ بولىمشە كومانديرىنىڭ ورىنباسارى دەنيس چا.

كەلەسى دۇيسەنبىدە اقتوبەدە بۇگىنگىنىڭ باتىرى رىسقالي ەڭسەپبايەۆتى ەرلىگى ٴۇشىن ماراپاتتاۋ شاراسى وتەدى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي