BAQ.kz - Қазақстан жаңалықтары USD 346.68 BAQ.kz - Қазақстан жаңалықтары EUR 404.02 BAQ.kz - Қазақстан жаңалықтары RUB 5.47
استانا:

اقتوبەدە سەڭ اعىزىپ كەتكەن بالالار قۇتقارىلدى

فوتو: 56.mchs.gov.ru

اقتوبە سۋ قويماسىندا سەڭ اعىزىپ اكەتكەن ٴۇش بالانى قۇتقارۋشىلار امان الىپ قالدى. توتەنشە جاعداي كىشكەنتاي بالالار مۇزدان مۇزعا سەكىرىپ ويناپ جۇرگەن كەزدە بولعان، دەپ حابارلايدى baq.kz ايماقتاعى ٴتىلشىسى.

اقتوبە سۋ قويماسىندا مۇزدان مۇزعا سەكىرىپ ويناعان ٴۇش بالانى قۇتقارۋشىلار امان الىپ قالدى. وقيعا كەشە تاڭعى ساعات 9.30-دا بولعان. اقتوبە قالاسىنا قاراستى ياسنىي اۋىلىنداعى سۋقويمادا 8، 14،15 جاستاعى بالالار ەرەسەكتەردىڭ قاراۋىنسىز ويناپ جۇرگەن. قاتتى جەل سوعىپ، وقۋشىلار تۇرعان سەڭ شليۋزگە قاراي جۇرگەن. ابىروي بولعاندا قۇتقارۋشىلار ۋاقىتىندا جەتتى.

«توتەنشە جاعداي جەكسەنبى كۇنى تاڭعى ۋاقىتتا بولعان. بالالار سۋعا بارىپ، مۇزعا سەكىرىپ ويناعان. قاتتى جەل سوعىپ، جاعاداعى جارىلعان مۇز ولاردى اعىزىپ اكەتكەن. «اقتوبە تەڭىزىنىڭ» ورتاسىنا دەيىن، ياعني جاعالاۋدان 20 مەتر قاشىقتىققا دەيىن كەتىپ قالعان. قۇتقارۋشىلار سۋ قويمانى تەكسەرىپ جۇرگەن كەزدە مۇز ۇستىندە 3 بالانىڭ اعىپ بارا جاتقانىن كورەدى. ۇرمەلى قايىق، قۇتقارۋ تاقتايشاسى جانە ارقاننىڭ كومەگىمەن بالالاردى الىپ شىققان»، - دەدى اقتوبە وبلىستىق تجد جەدەل-قۇتقارۋ جاساعى كەزەكشى-ديسپەتچەرلىك قىزمەتىنىڭ جەتەكشىسى وكسانا كيچيگينا.

كامەلەتكە تولماعان بالالار مۇزدا 15 مينۋتتاي وتىرىپ قالعان. وقيعا بولعان جەردە جەرگىلىكتى بالىقشىلار دا جۇرگەن ەكەن. وبلىستىق توتەنشە جاعدايلار دەپارتامەنتى قىزمەتكەرلەرىنىڭ سوزىنشە، ٴۇش بالانىڭ دا جاعدايى جاقسى. قۇتقارۋشىلار اتا-انالارعا بالالارىن قاراۋسىز سۋ جاعاسىنا جىبەرمەۋىن ەسكەرتەدى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي