BAQ.kz - Қазақстан жаңалықтары USD 366.43 BAQ.kz - Қазақстан жаңалықтары EUR 420.11 BAQ.kz - Қазақстан жаңалықтары RUB 5.58
استانا:

اقمولا وبلىسىندا بارىمتاشىلار 30 جىلقىنى ايداپ اكەتتى

فوتو: Patrul.kz

قازىرگى تاڭدا پوليسيا ۇرىلاردى ىزدەستىرىپ جاتىر، دەپ حابارلايدى baq.kz ٴتىلشىسى.

ۇرىلار تۇندە اقمولا وبلىسىنداعى ەكى اۋىلدان 30 جىلقىنى ايداپ اكەتكەن. وقيعا 5-6 تامىزدا بولعان.

جىلقىسىن ۇرلاتقان ازاماتتىڭ ٴبىرى – بەك ىلەسكەنوۆ. ول – سەلينوگراد اۋدانى مينوۆكا اۋىلىنىڭ تۇرعىنى. ونىڭ ايتۋىنشا، اۋىلدا جىلقى ۇرلاۋ فاكتىسى ٴجيى قايتالانادى ەكەن.

«5 تامىز كۇنى تۇندە 17 باس جىلقىمنان ايىرىلىپ قالدىم. جايىلىم اۋىلدان 7-8 شاقىرىم جەردە. ول جاقتان اۋىل كورىنىپ تۇرادى. ۇرىلار تۇندە جىلقىلاردى ايداپ اكەتكەن. ارىزدى جازىپ، پوليسياعا وتكىزدىك. ولار دا ىزدەپ جاتىر. جىلقىلارىمدى ىزدەگەنىمە 6 كۇن بولدى. جىل سايىن اۋىلدان جىلقى ۇرلانادى. مۇنداي جاعداي ٴبىرىنشى رەت بولىپ تۇرعان جوق»، - دەدى جىلقىشى.

سونىمەن قاتار ۇرىلار ارشالى اۋدانىنا قاراستى اقشار اۋىلىنان دا 13 جىلقىنى ۇرلاعان.

«6 تامىز كۇنى 13 باس جىلقىمدى ۇرلاتىپ الدىم. ونىڭ اراسىندا ساۋىپ جۇرگەن بيەم دە بار. ولار اۋىلدىڭ ماڭايىنداعى جايىلىمدا جۇرگەن. جىلقىلاردىڭ موينىندا gps داتچيگى بولعان. ۇرىلار داتچيكتى الىپ تاستاپ، جىلقىلاردى 5 شاقىرىم جەردە تۇرعان كورشى اۋىلعا قاراي ايداعان. قازىرگى تاڭدا جىلقىلاردى تابا الماي وتىرمىز. مەن ۋچاسكەلىك پوليسياعا ارىزدى وتكىزدىم. ولار مالداردى ىزدەپ جاتىر»، - دەدى جوعالعان جىلقىلاردىڭ يەسى نۇربەك باتىربەكوۆ.

ونىڭ ايتۋىنشا، وتكەن جىلى ۇرىلار سارىوبا اۋىلىنان 70-80 باس جىلقىنى ايداپ كەتكەن. كەيىن ٴتارتىپ ساقشىلارى ولاردى ۇستاپ، جاۋاپقا تارتىپتى.

سونداي-اق ۇرىلاردى ىزدەپ جاتقان پوليسيا قىزمەتكەرىنەن دە جاۋاپ الۋعا تىرىستىق.

«مينوۆكا جانە اقشار اۋىلدارىنان جىلقىلار جوعالدى. قازىرگى تاڭدا ۇرىلاردى ىزدەپ جاتىرمىز. بولعان وقيعانى تىركەدىك. زارداپ شەككەن ازاماتتارمەن جانە سەلينوگراد اۋدانىنىڭ پوليسيا قىزمەتكەرلەرىمەن بىرگە ۇرلىق بولعان جەرگە باردىق»، - دەدى ارشالى اۋدانى بۇلاقساي اۋىلى ۋچاسكەلىك پوليسياسى ەركىن يسەنوۆ.

ونىڭ پىكىرىنشە، بولعان جاعدايعا ازاماتتاردىڭ وزدەرى كىنالى ەكەن.

«مالشىلار جىلقىلاردى جايىلىمعا جىبەرە سالادى. مالعا دۇرىس قارامايدى. جىلقىلارىن تاڭەرتەڭ ىزدەي باستايدى. ەگەر ولار كەشكە جىلقىلاردى اۋىلعا قاراي قايىرىپ وتىرسا عوي. جوق، ولار بۇلاي ىستەمەيدى. تاۋلىك بويى مال قاراۋسىز جايىلادى. بۇل – ەڭ باستى سەبەپ»، - دەدى پوليسيا قىزمەتكەرى.

سونىمەن قاتار ەركىن يسەنوۆتەن اۋىلدا جىلقى ۇرلاۋ فاكتىسى نەگە جيىلەپ كەتكەنىن ٴبىلىپ كوردىك. ٴبىراق بۇل سۇراققا ٴتارتىپ ساقشىسى ماردىمدى جاۋاپ بەرە المادى.

«ەگەر قانداي دا ٴبىر سۇراقتار بولسا، ارشالى اۋدانىنىڭ ىشكى ىستەر باسقارماسىنا حابارلاساڭىز. ٴتيىستى اقپاراتتى سول جەردەن الاسىز»، - دەدى بۇلاقساي اۋىلىنىڭ ۋچاسكەلىك پوليسياسى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي