BAQ.kz - Қазақстан жаңалықтары USD 370.04 BAQ.kz - Қазақстан жаңалықтары EUR 420.99 BAQ.kz - Қазақстан жаңалықтары RUB 5.58
استانا:

ايەلدىڭ ٴمايىتىن سومكەگە سالىپ كەتكەن كىم ەكەنى انىقتالدى

فوتو: Whitefind

استانا قالالىق ٴىىد قىزمەتكەرلەرى ايەلدىڭ دەنەسىن سومكەگە سالىپ، بازار ماڭىندا قالدىرىپ كەتكەن ەر ادامدى ۇستادى، دەپ حابارلايدى baq.kz اقپارات اگەنتتىگى.

13 قىركۇيەك كۇنى «شانحاي» بازارى ماڭىنان ىشىندە ايەلدىڭ ٴمايىتى بار سومكە تابىلعان. سول كۇنى پوليسيا قىزمەتكەرلەرى كوز جۇمعان ايەلدىڭ كىم ەكەنىن انىقتادى. ول وزبەكستان رەسپۋبليكاسىنىڭ 26 جاستاعى ازاماتشاسى بولىپ شىقتى.

سوت-مەديسينالىق ساراپتاما تاعايىندالىپ، ايەلدىڭ تۋبەركۋلەز دەرتىنە شالدىققانى سالدارىنان ىشكى اعزالارى ۋلانىپ كوز جۇمعانى انىقتالدى. جەدەل-ىزدەستىرۋ شارالارى ناتيجەسىندە پوليسيا قىزمەتكەرەلرى 30 جاستاعى ەر ادامدى ۇستادى.

تەرگەۋ امالدارى بارىسىندا ول كوز جۇمعان ايەلمەن ٴۇش جىل بويى بىرگە تۇرعانى، ولاردىڭ 2 بالاسى بار ەكەنى انىقتالدى. ايەل جاتاقحانادا جالداپ تۇرىپ جاتقان بولمەدە اتالعان دەرت سالدارىنان كوز جۇمعان. قارجىلىق قيىندىقتار تۋىنداعاندىقتان، ايەلىن جەرلەي المايتىنىن جانە ول باسقا مەملەكەتتىڭ ازاماتشاسى ەكەنىن تۇسىنگەن ول ٴمايىتتى جول سومكەگە سالىپ، بازار ماڭىنا قالدىرىپ كەتكەن. ەر ادام ايەلىنىڭ دەنەسىن تاۋىپ العان ادامدار ونى جەرلەيدى دەپ ويلاعان. ودان كەيىن وقيعا ورنىنان جاسىرىنىپ قالماق بولعان ول سول كۇنى قالادان كەتىپ قالعان.

پوليسيا قىزمەتكەرلەرى ونى تۇركىستان وبلىسى اۋماعىنان تاۋىپ الدى. كوز جۇمعان ايەلدىڭ بالاسى كىم ەكەنى جانە قاي جەردە ەكەنى دە انىقتالدى. وعان ايەلدىڭ تانىستارى قاراپ ٴجۇرىپتى. قازىرگى ۋاقىتتا بالا استانا قالاسى كامەلەتتىك جاسقا تولماعانداردى بەيىمدەۋ ورتالىعىنا ورنالاستىرىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي