BAQ.kz - Қазақстан жаңалықтары USD 374.2 BAQ.kz - Қазақстан жаңалықтары EUR 420.34 BAQ.kz - Қазақстан жаңалықтары RUB 5.52
استانا:

اي سايىن 6 ملن تەڭگە پارا العان كولىك ينسپەكتورلارى ۇستالدى

فوتو: irishtimes.com

الماتى وبلىسىندا اي سايىن 6 ملن تەڭگە پارا الىپ وتىرعان كولىك ينسپەكتورلارى ۇستالىپ، ۋاقىتشا قاماۋ اباقتىسىنا ورنالاستىرىلدى. بۇل تۋرالى قر مەملەكەتتىك قىزمەت ىستەرى جانە سىبايلاس جەمقورلىققا قارسى ٴىس - قيمىل اگەنتتىگىنىڭ رەسمي وكىلى جاننا باستاروۆا ايتتى، دەپ حابارلايدى baq.kz ٴتىلشىسى.

جاننا باستاروۆا اگەنتتىكتە ۇيىمداستىرىلعان ٴباسپاسوز ٴماسليحاتىندا وتكەن اپتادا تىركەلگەن قىلمىستىق ىستەردى اتادى. ونىڭ مəلىمەتىنشە، الماتى وبلىسى بويىنشا سىبايلاس جەمقورلىققا قارسى ٴىس-قيمىل ۇلتتىق بيۋروسى ۇلتتىق قاۋىپسىزدىك كوميتەتىنىڭ دەپارتامەنتىمەن بىرلەسە وتىرىپ، وبلىستىق كولىكتىك باقىلاۋ ينسپەكسياسى باسشىسىنىڭ ورىنباسارى باسقاراتىن ۇيىمداسقان قىلمىستىق توپتىڭ قىزمەتىن توقتاتقان.

«ٴوزىنىڭ قىلمىستىق قىزمەتىنە ول وزىنە باعىنىشتى 4 قىزمەتكەردى – ينسپەكسيانىڭ باس ماماندارىن تارتقان. ونىڭ ۇستىنە الماتى قالاسى بويىنشا كولىك ينسپەكسياسىنىڭ 4 مامانى ونىڭ قىلمىستىق əرەكەتتەرىنە قاتىسقان. قىلمىستىق سحەماعا كولىكتىك باقىلاۋ ينسپەكسياسى باسشىسىنىڭ ورىنباسارىن قوسا العاندا بارلىعى 9 ادام تارتىلعان. ولار قىلمىستىق توپ قۇرامىندا جەكە كولىك كومپانيالارىنىڭ وكىلدەرىنەن الماتى وبلىسى مەن الماتى قالاسى اۆتوماگيسترالدىق جولدارىندا ٴىرى گاباريتتى جۇكتەردى تاسىمالداۋ ەرەجەسىن بۇزۋ بويىنشا اكىمشىلىك شارالاردى قابىلداماۋ ٴۇشىن جۇيەلى نەگىزدە پارا الدى دەپ كۇدىكتەلىپ وتىر»، - دەدى باستاروۆا.

رەسمي وكىلدىڭ دەرەگىنشە، ۇيىمداسقان قىلمىستىق توپتىڭ قىلمىستىق كىرىسى اي سايىن شامامەن 6 ميلليون تەڭگەنى قۇراعان. كۇدىكتىلەر ۇستالىپ، ۋاقىتشا قاماۋ اباقتىسىنا ورنالاستىرىلعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي