BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

52 ادامنىڭ ٴولىمى: اقتوبە وبلىسىندا ورتەنگەن اۆتوبۋس بويىنشا قىلمىستىق ٴىس سوتقا جولداندى

فوتو: sputniknews.kz

جىل باسىندا اقتوبە وبلىسى ىرعىز اۋدانىندا ورتەنگەن اۆتوبۋستا وزبەكستاندىق 52 ازاماتتىڭ قازا بولۋىنا بايلانىستى قوزعالعان ٴىس سوتقا جولداندى، دەپ حابارلايدى baq.kz اقپارات اگەنتتىگى باس پروكۋراتۋرانىڭ ٴباسپاسوز قىزمەتىنە سىلتەمە جاساپ.

"5 ادام ايىپتالۋشى دەپ تانىلدى. ونىڭ ۇشەۋى اۆتوبۋس جۇرگىزۋشىسى بولسا، ەكەۋى – «ازيا ترانزيت سەرۆيس» سەرىكتەستىگىنىڭ قۇرىلتايشىسى مەن مەحانيگى. بۇل تۇلعالار رەيسكە شىعار الدىندا اۆتوبۋستى تەكسەرۋى ٴتيىس بولعان. ولار وزدەرىنە جۇكتەلگەن مىندەتتى تولىق ورىندامادى دەپ ايىپتالىپ وتىر. وسىعان بايلانىستى سوت اۆتوبۋس جۇرگىزۋشىلەرىن قاماۋعا الۋ جونىندە شەشىم شىعاردى. سەرىكتەستىكتىڭ باسشىسى مەن مەحانيگىنە كەپىل تۇردە بۇلتارتپاۋ شاراسى تاڭدالدى. ال اۆتوبۋس يەسىنە كۇزەتپەن قاماۋدا ۇستاۋ تۇرىندە بۇلتارتپاۋ شاراسى تاعايىندالا وتىرىپ، حالىقارالىق ىزدەۋ جاريالاندى" - دەلىنگەن باس پروكۋراتۋرانى حابارلاماسىندا.

ەستەرىڭىزگە سالا كەتەيىك، اقتوبە وبلىسىندا وزبەكستان ازاماتتارى مىنگەن اۆتوبۋس ورتەنىپ، 52 ادام قازا بولعان بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي