BAQ.kz - Қазақстан жаңалықтары USD 369.98 BAQ.kz - Қазақстан жаңалықтары EUR 428.7 BAQ.kz - Қазақстан жаңалықтары RUB 5.64
استانا:

«قارىزىن وتەي الماعان» پاۆلودارلىق 16-قاباتتان قۇلاپ مەرت بولدى

فوتو: Turkystan.kz

بۇگىن 1987 جىلعى پاۆلودارلىق جوعارى قاباتتان قۇلاپ، وقيعا ورنىندا مەرت بولدى، دەپ حابارلايدى baq.kz ايماقتاعى ٴتىلشىسى.

بۇل تۋرالى اگەنتتىك تىلشىسىنە كۋاگەرلەر حابارلادى. وبلىستىق دەنساۋلىق ساقتاۋ باسقارماسىنىڭ ٴباسپاسوز حاتشىسى ەلميرا تەمىرعاليەۆانىڭ حابارلاۋىنشا، ازامات 16-قاباتتان قۇلاعان.

«وقىس جاعدايعا قاتىستى شاقىرتۋ وبلىستىق مەديسينالىق جەدەل جاردەم ستانسياسىنا بۇگىن ساعات 12.50-تە ٴتۇستى. دارىگەرلەر بريگاداسى كۋتۋزوۆ كوشەسى ٴ53-شى ۇيگە جەدەل جەتتى. وكىنىشكە قاراي، جىگىت تىلگە كەلمەستەن كوز جۇمدى. ماماندار ادامنىڭ بيولوگيالىق ٴولىمىن تىركەدى»، - دەيدى ەلميرا تەمىرعاليەۆا.

كۋاگەرلەردىڭ پايىمداۋىنشا، ازاماتتىڭ 16-قاباتتان سەكىرۋىنە موينىنداعى قارىزدارى سەبەپ. تۇرمىستىق ماسەلەلەر تۋىنداعان، وسىنداي قادامعا بارعان.

قازىرگى ۋاقىتتا وقيعانىڭ ٴمان-جايىن ىشكى ىستەر ورگاندارىنىڭ ماماندارى انىقتاپ جاتىر.

ايتا كەتسەك، بۇعان دەيىن وبلىس ورتالىعىندا وسى تەكتەس وقيعا بولعان. شامامەن 30 جاستاعى ەر ازامات اشۋلانىپ، ٴۇشىنشى قاباتتان سەكىرىپ كەتۋدى كوزدەگەن. ابىروي بولعاندا، وزىنە-وزى قول جۇمساماق بولعان تۇرعىندى دارىگەرلەر قۇتقارىپ قالدى. وبلىستىق دەنساۋلىق ساقتاۋ باسقارماسىنىڭ مالىمەتىنشە، 30 جاستاعى پاۆلودارلىق وڭىردەگى پسيحونەۆرولوگيالىق ديسپانسەردىڭ ەسەبىندە تۇر. سۋيسيد جاساماقشى بولعان كەزدەگى پسيحيكالىق جاعدايى ۋشىعىپ كەتكەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي