BAQ.kz - Қазақстан жаңалықтары USD 361.94 BAQ.kz - Қазақстан жаңалықтары EUR 423.25 BAQ.kz - Қазақстан жаңалықтары RUB 5.4
استانا:

شقو-نى تاعى دا سۋ باسۋى مۇمكىن — ٴىىم

فوتو: kriminalka.kz

شىعىس قازاقستان وبلىسىن تاعى دا سۋ باسۋى مۇمكىن. بۇل تۋرالى ىشكى ىستەر ٴمينيسترىنىڭ ورىنباسارى يۋريي يلين ايتتى، دەپ حابارلايدى baq.kz ٴتىلشىسى.

«ٴبىز داۋىلدى ەسكەرتۋ الدىق. سونى جەرگىلىكتى اتقارۋشى ورگاندار مەن تۇرعىندارعا جەتكىزەمىز. جاقىن كۇندەرى بۇل اپاتتى جاعداي تۇراقتالدى. بۇگىن تۇنگى جاعداي قايتا قالپىنا كەلدى. اياگوز ايماعىندا سۋ ازايدى»، - دەيدى يلين.

مۇنىمەن قاتار، ىشكى ىستەر ٴمينيسترىنىڭ ورىنباسارى اياگوزدە توتەنشە جاعدايدان كەيىن قانداي شارالار قولعا الىنعانىن ايتىپ ٴوتتى.

«اياگوزدە تولاسسىز جاۋعان جاۋىن مەن ەرىگەن قار سۋى جۇزدەن استام ٴۇيدىڭ سۋ استىندا قالۋىنا سەبەپشى بولدى. وزەن بۇل اعىنعا توتەپ بەرە المادى. جالپى العاندا شىعىس قازاقستاندا 138 ٴۇيدى سۋ باستى. بۇگىنگى تاڭدا شقو-دا سۋ استىندا قالعان سەگىز ٴۇي مەن اۋلادا سۋدى سورۋ جۇمىستارى جۇرگىزىلىپ جاتىر»، - دەيدى يلين.

مينيستر ورىنباسارىنىڭ ايتۋىنشا، جاقىندا الماتى قالاسى، الماتى، قىزىلوردا، وڭتۇستىك قازاقستان وبلىستارىندا سۋ تاسقىنى بولۋى مۇمكىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي