BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

15 جاسار قىزداردىڭ بەس قاباتتى ۇيدەن قۇلاۋى وقيعاسىنىڭ جاي-جاپسارى بەلگىلى بولدى

فوتو: sputnik.by

ەكىباستۇز قالاسىندا بولعان قايعىلى وقيعيعانىڭ جاي-جاپسارى بەلگىلى بولدى، دەپ حابارلايدى baq.kz اگەنتتىگىنىڭ ايماقتاعى ٴتىلشىسى.

وقىس جاعداي تۋرالى ەكىباستۇز قالالىق ٴبىلىم بەرۋ ٴبولىمىنىڭ باسشىسى جانات يبرايەۆ ايتىپ بەردى. مەملەكەتتىك مەكەمە باسشىسىنىڭ ايتۋىنشا، ەكى توعىزىنشى سىنىپ وقۋشىسى دوستارىنىڭ ۇيىندە قوناقتا بولىپ، كەيىن بەسىنشى قاباتتىڭ تەرەزەسىنەن قۇلاپ كەتكەن.

«ەكى قىز قۇربى-قۇرداس بولىپ، جاقىن ارالاسقان. ەكەۋى دە تولىق ەمەس وتباسىندا تاربيەلەنگەنى بەلگىلى. قايتىس بولعان قىز كامەلەتتىك جاسقا تولماعاندار ٴىسى جونىندەگى بولىمدە ەسەپتە تۇرعان. ياعني، «قيىن» جاسوسپىرىمدەر قاتارىندا بولعان. بۇعان دەيىن وقۋشى مامانداردىڭ ٴجىتى باقىلاۋىندا بولدى، الايدا مىنەز-ق ۇلىعىندا قانداي دا ٴبىر اۋىتقۋشىلىقتار بايقالمادى. سول سەبەپتى، وسى جىلدىڭ تامىز ايىندا ەسەپتەن شىعارىلدى. كەشە ەكەۋى دە كۇندەلىكتى ساباقتارىندا بولدى»، - دەيدى جانات يبرايەۆ.

كوز جۇمعان قىز اناسىمەن بىرگە تۇرعان. كەشە ول اپاسىنان قوناققا بارۋعا سۇرانعان. دەسە دە، رۇقسات الماي، كەتىپ قالعان.

وبلىستىق دەنساۋلىق ساقتاۋ باسقارماسىنىڭ ٴباسپاسوز حاتشىسى ەلميرا تەمىرعاليەۆانىڭ ايتۋىنشا، قىز بالا جەدەل-جاردەم قىزمەتىنىڭ كولىگىندە ومىردەن وزعان. ەكىنشى ٴجاسوسپىرىم ەكىباستۇز قالالىق اۋرۋحاناسىنىڭ جانساقتاۋ بولىمىندە جاتىر.

ەسكە سالا كەتسەك، بۇگىن تۇندە ەكى 15 جاسار قىز بەسىنشى قاباتتان قۇلاپ كەتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي