BAQ.kz - Қазақстан жаңалықтары USD 368.28 BAQ.kz - Қазақстан жаңалықтары EUR 419.21 BAQ.kz - Қазақстан жаңалықтары RUB 5.59
استانا:

جامبىل وبلىسىندا جاڭا جول پايدالانۋعا بەرىلدى

استانا، baq.kz. جامبىل وبلىسىندا باتىس ەۋروپا - باتىس قىتاي اۆتوجولىنىڭ الماتى-تاشكەنت-تەرمەز باعىتىنداعى بولىگى قولدانىسقا بەرىلدى، - دەپ جازادى «حابار 24». تەلەارنانىڭ مالىمەتىنشە، تاسجول بىرنەشە ەلدى مەكەن مەن قورداي اسۋىن اينالىپ وتەدى.

80 شاقىرىمدىق اۆتوماگيسترالدىڭ بيىل ەكىنشى كەزەڭى اياقتالدى. ونىڭ تەڭ جارتىسى وتكەن جىلى پايدالانۋعا بەرىلگەن ەدى. ٴبىراق قالعان 40 شاقىرىمىنىڭ قۇرىلىسى بىتپەگەندىكتەن، كولىكتەر ەسكى جولمەن قاتىناپ كەلدى. بۇل اسىرەسە ترانزيت كولىكتەرگە قيىندىق تۋعىزاتىن.

«ەلدى مەكەندەردىڭ ىشىمەن ٴجۇرۋ كوپ ۋاقىت ۇستايدى. جاياۋ جۇرگىنشىلەر بار. جىلدامدىقتى 40-تان اسىرا المايسىڭ. اسىرەسە، قىس مەزگىلىندە ٴقاۋىپتى. 22 تونناعا دەيىن جۇك ارتىلعان كولىكپەن اسۋدىڭ ىشىمەن ٴجۇرۋ اسا قيىن. تالاي جانتۇرشىگەرلىك اپاتتاردى كوزبەن كوردىك»، - دەيدى كولىك جۇرگىزۋشىسى دميتريي لەششەنكو (ۋكراينا).

قورداي اۋداندىق اۆتوموبيل جولدارى ٴبولىمىنىڭ باسشىسى مەيىرحان وڭالبايەۆتىڭ ايتۋىنشا، قورداي اۋدانىنا بۇل جاقسى جاڭالىق بولىپ وتىر.

«كولىكتەردىڭ جول جابىندىسىن تالقانداۋىنا بايلانىستى جىلدا جوندەلەتىن. ٴقازىر باتىس قىتاي-باتىس ەۋروپا ٴدالىزى اشىلىپ، قۋانىپ وتىرمىز. قورداي اۋدانىنا بۇل جاقسى جاڭالىق بولىپ وتىر»، - دەيدى وڭالبايەۆ.

بيىل كۇرە جولدىڭ جالعاسى رەتىندە «وتار-ۇزىناعاش» باعىتىنداعى 16 شاقىرىمدىق جولدىڭ قۇرىلىسى باستالدى. جوبانى 2021 جىلى اياقتاۋ جوسپاردا بار.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي