BAQ.kz - Қазақстан жаңалықтары USD 369.98 BAQ.kz - Қазақстан жаңалықтары EUR 428.7 BAQ.kz - Қазақстан жаңалықтары RUB 5.64
استانا:

«نۇرلى جولمەن» 105 مىڭ جۇمىس ورنى اشىلدى

فوتو: Kursiv.kz

2017 جىلى كاسىپكەرلەرگە 145 ملرد تەڭگە سۋبسيديا بەرىلگەن، سونداي-اق «نۇرلى جول» باعدارلاماسى اياسىندا 105 507 جۇمىس ورنى اشىلعان. بۇل تۋرالى قارجى ٴمينيسترى باقىت سۇلتانوۆ قر پارلامەنت سەناتىنىڭ وتىرىسىندا مالىمدەدى، دەپ حابارلايدى baq.kz ٴتىلشىسى.

ەسەپتى قاراۋ كەزىندە بيۋدجەت قاراجاتىن پايدالانۋداعى ٴبىراز ماڭىزدى سۇراقتار قويىلدى.

«ەسەپتى جىلى قاراجاتتىڭ ٴتيىمسىز جۇمسالۋ سوماسى 2016 جىلمەن سالىستىرعاندا ەكى ەسەگە كوبەيدى. قارجىلىق بۇزۋشىلىقتىڭ 86%ٴ-ى بۋحگالتەرلىك جانە قارجىلىق ەسەپتەردى جۇرگىزۋدەگى زاڭنامانى بۇزۋدا كورىنىس تاپقان. بۇل ماسەلە مامانداردىڭ بىلىكتىلىگىن ارتتىرۋ مەن ولاردى مىندەتتى تۇردە كاسىبي سەرتيفيكاتتاۋ ارقىلى عانا شەشىلەدى دەپ ويلايمىز»، - دەدى سۇلتانوۆ.

قاراجاتتىڭ ٴتيىمسىز جۇمسالۋ سەبەپتەرى دەپ مينيستر ستراتەگيالىق جوسپارلاۋ مەن بيۋدجەتتىك جوسپارلاۋدىڭ بىر-بىرىنەن الشاقتاعى، ولاردىڭ ينديكاتورلارىنىڭ ساپاسىز جوسپارلانۋى ەكەنىن اتاپ ٴوتتى.

«باعدارلامالىق قۇجاتتاردىڭ ورىندالۋى بارىسىندا جىبەرىلگەن ٴبىراز كەمشىلىكتەر بار. ٴبىراق، جاقسى جەتىستىكتەرى دە از ەمەس. ماسەلەن، كاسىپكەرلەرگە 145 ملرد تەڭگەگە ٴارتۇرلى باعىتتارمەن سۋبسيديا بەرىلدى. ولار جىل قورىتىندىسى بويىنشا 132 ملرد تەڭگە سالىق تولەدى. 2017 جىلى «نۇرلى جول» مەملەكەتتىك باعدارلاماسىنىڭ اياسىندا 105 577 جۇمىس ورنى اشىلدى»، - دەدى قارجى ٴمينيسترى.

ول بىر-بىرىمەن ۇيلەسپەيتىن مەملەكەتتىك جوسپارلاۋ قۇجاتتارى تۋرالى ايتتى.

«مەملەكەتتىك ورگاندار بىرىنشىدەن بيۋدجەتتىك باعدارلامالارعا قاراجات الۋعا تىرىسادى. كەيىن سول العان قاراجاتتىڭ شەڭبەرىندە ستراتەگيالىق باعىتتارىن جوسپارلايدى. سوندىقتان، كەلەسى ٴۇش جىلدىق بيۋدجەتتىڭ جوباسىن ازىرلەۋ پروسەسىندە ٴبىرىنشى كەزەكتە مەملەكەتتىك ورگانداردىڭ ستراتەگيالىق باعىتتارىن، ينديكاتورلارىن تالداۋ كوزدەلىپ وتىر. سودان كەيىن ماقۇلدانعان ستراتەگيالىق باعىتتارعا ليميت ٴبولۋ ٴقازىر قاراستىرىلۋدا. جوعارىدا ايتىپ كەتتىم، ۇلتتىق ەكونوميكا مينيسترلىگىندە جۇمىس توبى قۇرىلعان. سول توپتا وسى ماسەلەلەر دە قاراستىرىلۋدا»، - دەدى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي