BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

«نۇرلى جول» ارقىلى ەلىمىز بويىنشا 250 كم ينجەنەرلىك جەلى جاڭعىرتىلادى

«نۇرلى جول» ينفراقۇرىلىمدى دامىتۋدىڭ 2015-2019 جىلدارعا ارنالعان مەملەكەتتىك باعدارلاماسى شەڭبەرىندە ينۆەستيسيالار جانە دامۋ مينيسترلىگى ٴبىرقاتار جۇمىستار اتقارىپ كەلەدى. نازارلارىڭىزعا مەملەكەتتىك باعدارلامانىڭ ٴبىر سالاسى – ەلىمىز كولەمىندەگى جىلۋمەن، سۋمەن جابدىقتاۋ جانە سۋ بۇرۋ جەلىلەرى جۇيەلەرىن جاڭعىرتۋ سالاسىندا اتقارىلعان جۇمىستاردىڭ ناتيجەسىن ۇسىنىپ وتىرمىز. مالىمەتتەر baq.kz اقپارات اگەنتتىگىنىڭ ارنايى سۇراۋىمەن مينيسترلىكتىڭ جاۋاپتى ورگاندارىنان الىندى.

اتالعان سالا بويىنشا 2017 جىلى بولىنگەن 41،1 ملرد تەڭگەگە 98 ينۆەستيسيالىق جوبا ىرىكتەلىپ الىندى. ولار:

- جىلۋمەن جابدىقتاۋ جەلىلەرى - 13،9 ملرد تەڭگەگە 19 جوبا;

- سۋمەن جابدىقتاۋ جەلىلەرى – 17،5 ملرد تەڭگەگە 56 جوبا;

- سۋ بۇرۋ جەلىلەرى – 9،5 ملرد تەڭگەگە 23 جوبا.

ال جالپى 1185 كم جەلى تارتۋ جانە رەكونسترۋكسيالاۋ جوسپارلانىپ وتىر، ونىڭ ىشىندە:

جىلۋ جەلىلەرى بويىنشا – 86،6 كم;

سۋمەن جابدىقتاۋ جانە سۋ بۇرۋ جەلىلەرى – 1097،9 كم. بۇدان بولەك تاعى دا 12 وبەكتى جوندەلەدى دەگەن جوسپار بار.

بۇل باعىت بويىنشا قۇرىلىس جۇمىستارى بيىلعى جەلتوقسان ايىنا دەيىن اياقتاۋ جوسپارلانۋدا.

2018 جىلعى 1 ناۋرىزداعى جاي-كۇيى بويىنشا تابيعي مونوپوليالار سۋبەكتىلەرىنىڭ يگەرىلۋى 31،8 ملرد تەڭگەنى نەمەسە بولىنگەن قاراجاتتىڭ 77%-ىن قۇرادى.

ەلىمىز بويىنشا 821،9 كم جەلى رەكونسترۋكسيالاندى. ونىڭ 26،8 كم جىلۋمەن جابدىقتاۋ جەلىلەرى; 748 كم سۋمەن جابدىقتاۋ جەلىلەرى جانە 47،1 كم سۋ بۇرۋ جەلىسى. سونىمەن قاتار، 2 سورعى ستانسياسى سالىندى.

وسى باعىت بويىنشا 2018 جىلعا 34،3 ملرد تەڭگە كوزدەلگەن، ونىڭ ىشىندە 33،4 ملرد تەڭگە – بيۋدجەتتىك نەسيەلەۋ، 0،7 ملرد تەڭگە – بيۋدجەتتىك سۋبسيديالاۋ، 0،2 ملرد تەڭگە – سەنiم بiلدiرiلگەن وكiل (اگەنت) پەن وپەراتوردىڭ قىزمەتتەرى.

جالپى 2018-2019 جىلدارى كەزەڭىندە كوزدەلگەن قاراجاتقا شامامەن 250 كم ينجەنەرلىك جەلىلەر سالىپ، قايتا جاڭعىرتۋ جوسپارلانعان، ونىڭ ىشىندە:

جىلۋمەن جابدىقتاۋ بويىنشا – 25،3 كم;

سۋمەن جابدىقتاۋ جانە سۋ بۇرۋ بويىنشا – 225،4 كم;

جانە 18 سۋ شارۋاشىلىق وبەكتىلەر.

قۇرىلىس مەرزىمى – 2 جىل.

جوبالاردى جۇزەگە اسىرۋ ناتيجەسىندە 2019 جىلدىڭ اياعىنا دەيىن جىلۋمەن، سۋمەن جابدىقتاۋ جانە سۋ بۇرۋ جەلىلەردىڭ توزۋى 57%-دان 53%-عا دەيىن تومەندەيتىن بولادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي