BAQ.kz - Қазақстан жаңалықтары USD 344.58 BAQ.kz - Қазақстан жаңалықтары EUR 400.51 BAQ.kz - Қазақстан жаңалықтары RUB 5.47
استانا:

قاراعاندىنىڭ اباي قالاسىندا 36 وتباسى باسپانالى بولدى

استانا كۇنى قارساڭىندا 36 ابايلىق جەكە باسپاناعا يە بولدى. پاتەرلەر ٴۇشىن «نۇرلى جەر» باعدارلاماسى بويىنشا شامامەن 600 ميلليون تەڭگە جۇمسالعان، دەپ xابارلايدى baq.kz اقپارات اگەنتتىگىنىڭ ايماقتاعى ٴتىلشىسى.

ابايدا پايدالانىلۋعا بەرىلگەن 36 پاتەرلى 9 قاباتتى تۇرعىن ٴۇيدىڭ جالپى اۋدانى – 2000 شارشى مەتر. جاڭا ۇيدەگى پاتەرلەر جەتىم بالالارعا، كوپبالالى وتباسىلارعا، جالعىز باستى انالارعا، مۇمكىندىگى شەكتەۋلى ازاماتتارعا بەرىلدى.

«مەنىڭ ٴىى توپ مۇگەدەكتىگى بار قىزىم بار. پاتەر العانىما وتە قۋانىشتىمىن. ٴبىز كەزەكتە 9 جىل بويى تۇردىق. ەندى مىنە، باسپاناعا قولىمىز جەتىپ، وبلىس اكىمىنىڭ قولىنان ونىڭ كىلتىن الىپ وتىرمىز. بارلىقتارىنا، ٴبىرىنشى كەزەكتە ەلىمىزدىڭ پرەزيدەنتىنە، وبلىس اكىمىنە جانە اباي اۋدانى اكىمدىگىنە ٴبىزدى قولداعانى ٴۇشىن، كومەكتەسكەنى ٴۇشىن العىسىمدى ايتامىن»، - دەيدى قالا تۇرعىنى رايسا مۇقانوۆا.

تۇرعىندارعا باسپانا كىلتىن تابىس ەتكەن وبلىس اكىمى ەرلان قوشانوۆ بارلىعىن استانا كۇنى مەرەكەسىمەن قۇتتىقتادى.

«ٴبىرىنشى كەزەكتە، بارلىقتارىڭىزدى ەلوردامىزدىڭ 20 جىلدىعىمەن قۇتتىقتاعىم كەلەدى. بۇل تەك استانالىقتاردىڭ عانا ەمەس، بۇكىل قازاقستاندىقتاردىڭ مەرەكەسى. ٴار وتباسى ٴۇشىن ەڭ باستىسى – ٴوزىنىڭ جەكە باسپاناسى بولعانى، ول ناعىز باقىت. بۇگىنگى تاڭدا ٴبىز، شىنىمەن دە اباي قالاسىنىڭ جانە جالپى اۋداننىڭ تۇرعىندارى ٴۇشىن كوپتەگەن جۇمىستار جاساپ جاتىرمىز. قالانىڭ قالاي گۇلدەنىپ كەلە جاتقانىن بايقاعان شىعارسىزدار دەپ ويلايمىن. تۇرعىنداردىڭ جاعدايىن جاقسارتۋ ٴۇشىن الەۋمەتتىك نىسانداردى سالىپ جاتىرمىز. جۋىردا عانا ٴجۇزۋ باسسەينىن ىسكە قوستىق، قازىرگى تاڭدا بەلسەندى تۇردە دەنە شىنىقتىرۋ-ساۋىقتىرۋ كەشەنى سالىنىپ جاتىر، 100 ورىنعا شاقتالعان جاتاقحانا سالىنادى دەپ جوسپارلانۋدا. سونداي-اق، تۇرعىن ۇيلەردى سالۋدى جالعاستىراتىن بولامىز. «نۇرلى جەر» باعدارلاماسىنىڭ ارقاسىندا بيىلعى جىلى ەكى ٴۇيدىڭ قۇرىلىسى اياقتالدى، جانە دە العاش رەت تۇرعىندار ٴوز باسپاناسىنا يە بولدى»، - دەدى وبلىس اكىمى ەرلان قوشانوۆ.

مەردىگەرلەردىڭ ايتۋىنشا، ەكى كوپقاباتتى تۇرعىن ٴۇيدىڭ قۇرىلىسىنا ٴبىر جىل ۋاقىت كەتكەن.

«ٴبىز ٴ2017-شى جىلدىڭ تامىزىنىڭ سوڭىندا جۇمىستارىمىزدى باستادىق. ٴبىر جىلعا جەتەر-جەتپەس ۋاقىتتىڭ ىشىندە 72 پاتەرى بار ەكى ٴۇيدىڭ قۇرىلىسىن اياقتادىق. ٴبىرىنشى ۇيگە ادامدار مامىر ايىندا قونىستادى. بۇگىن ٴبىز ەكىنشى ٴۇيدى قولدانىسقا بەرىپ، جاڭا يەلەرگە پاتەر كىلتتەرىن تابىس ەتىپ جاتىرمىز. بارلىق جۇمىستار 100 پايىز ورىندالدى. قۇرىلىس بارىسىن اباي اۋدانى اكىمدىگى باقىلاپ وتىردى. بارلىق ماتەريالدار – وتاندىق ونىمدەر. «نۇرلى جەر» باعدارلاماسى بويىنشا شامامەن 600 ملن تەڭگە جۇمسالدى. ۇيلەردە ٴبىر، ەكى جانە ٴۇش بولمەلى پاتەرلەر بار. بولاشاقتا ٴۇيدىڭ ماڭىنداعى اۋماقتى اباتتاندىراتىن بولامىز، ورىندىقتار مەن قوقىس جاشىكتەرى ورناتىلادى»، - دەدى «ككك لتد» جشس كوممەرسيالىق ديرەكتورى يۆان ماليۋشەنكو.

اباي اۋدانى تكش ٴبولىمى ماماندارىنىڭ ايتۋىنشا، باسپانا «نۇرلى جەر» باعدارلاماسىنىڭ ٴتورت باعىتى بويىنشا بەرىلدى.

«ول الەۋمەتتىك قامسىزداندىرىلماعان تۇرعىندارعا جەكەشەلەندىرۋ قۇقىعىسىز جالعا باسپانا بەرۋ. پاتەر يەلەرى اي سايىن كوممۋنالدىق تولەمدەرمەن قوسا، جالعا الۋ اقىسىن تولەپ وتىرادى، مىسالى، ٴبىر بولمەلى پاتەر ٴۇشىن 6000 مىڭ تەڭگە. بىزدە پاتەرگە كەزەكتە 1870 ادام تۇر. سوڭعى رەت كەزەكتە تۇرعاندار باسپانانى ٴ2013-شى جىلى مۇلىكتى تۇگەندەۋ بارىسىندا العان بولاتىن. 2019-شى جىلى 80 پاتەرلى 5 قاباتتى تۇرعىن ٴۇي سالۋ جوسپارلانىپ وتىر»،- دەپ مالىمدەدى اباي اۋدانى اكىمدىگىنىڭ تكش ٴبولىمىنىڭ مامانى دينا گۋساموۆا.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي